काठमाण्डौं: काभ्रेको साँगामा बोलेरो गाडीले ठक्कर दिंदा एकजना प्रहरी सहायक निरिक्षकको मृत्यु भएको छ ।
काठमाडौंबाट बनेपा तर्फ आइरहेको बा १९ च १३२३ नम्बरको नीजि बलेरो गाडीले ठक्कर दिंदा साँगा प्रहरी चौकीमा कार्यरत नवलपरासीको त्रिवेणी–८ घर भएका प्रहरी सहायक निरिक्षक तेजबहादुर गुरुङको मृत्यु भएको हो ।
गाडीले ठक्कर दिना साथ उपचारको धुलिखेल अस्पताल लगिएकोमा गुरुङको उपचारको क्रममा मृत्यु भएको जिल्ला प्रहरी कार्यालय काभ्रेका प्रमुख एसपी रवि कुमार पौडेलले जानकनरी दिएका छन् ।
ईलाका प्रहरी कार्यालय, बनेपाका प्रमुख इन्स्पेक्टर योगेन्द्र तिमल्सिनाका अनुसार असई गुरुङ डिउटीमा रहेको बेला बाटो काट्न लाग्दा उक्त गाडीले ठक्कर दिएको थियो । ठक्कर दिने गाडी र गाडी चालक भक्तपुर जिल्ला भक्तपुर–१० निवासी वर्ष ३१ का विक्रम जाकी बन्जारलाई नियन्त्रणमा लिएर अनुसन्धान गरिरहेको तिमल्सिनाले जानकारी दिए ।
उनका अनुसार मृतक गुरुङको शत पोष्टमार्टमको लागि टिचिङ अस्पताल लगिएको प्रहरीले जनाएको छ ।