काठमाण्डौंः नेपालस्थित जर्मन दूतावासले असुरक्षा बढेको भन्दै नेपाल सरकारलाई पत्र लेखेको छ ।
दुतावासले पत्रमा दूतावास परिसरमा भएको अतिक्रमणलाई हटाउन माग गरेकाे छ । दूतावासले परराष्ट्र मन्त्रालयलाई लेखेको पत्रमा अतिक्रमण रोक्न नेपाल सरकारले उचित कदम नचालेकोमा असन्तुष्टी समेत जनाइएको छ ।
दूतावासले शिशिर नाहाटाको प्राविधिक टिमले दूतावासको पर्खाल भत्काउने र त्यसलाई आफ्नो हुने गरी निर्माण गर्ने घोषणा गरेको दाबीपछि अतिक्रमण बढेको समेत पत्रमा उल्लेख गरेकाे छ ।
जर्मन दूतावासले आफ्नो सम्पत्तिको रक्षा गरिदिन सुरक्षा माग्दै २ महिना अघि पनि पत्र लेखेको थियो । सो पत्रको वेवास्ता भएपछि दूतावासले परराष्ट्र मन्त्रालयलाई पुनः अर्को पत्र लेखेकाे हो ।
पहिलो पत्र सन् २०१९ डिसेम्बर ११ र दोस्रो पत्र सन् २०२० जनवरी ३० का दिन परराष्ट्रलाई लेख्दै भियना कन्भेन्सन विपरीत कार्य भएकोमा आपत्ति समेत जनाएको छ।