काठमाण्डौंः खोटाङका स्रष्टा श्रीराम राईको बालकथा संग्रह ‘पोलेको मकै’ बजारमा आएको छ । दिक्तेल रुपाकोट मझुवागढी नगरपालिका–७ दोर्पाचिउरीडाँडा घर भएका श्रष्टा राईको ‘पोलेको मकै’ बुक्स हिमालयले प्रकाशन गरेको हो ।
१० वर्षे शिक्षण पेशा छाडेर २०७२ सालदेखि काठमाडौंमा साहित्य र पत्रकारितामा आबद्ध राईका बालकथा संग्रहमा ‘बलजितको जुक्ति’, ‘मुनाको अभियान’, ‘सुम्निमाको भ्रमण’, ‘पोलेको मकै’, ‘फूल नफुलुन्’, ‘चरी उडुन्’, ‘पारुको पढाई’ लगायत ७ कथा समावेश छन् ।
पोलेको मकै’मा विशेषगरी बाल मनोविज्ञानलाई केन्द्रमा राखिएको छ ।
