काठमाण्डौ: स्नातकोत्तर तह दोस्रो वर्षको परीक्षा केन्द्र सार्वजनिक भएको छ ।
स्नातकोत्तर तह दोस्रो बर्षको नियमित तथा मौका परिक्षा दिने विद्यार्थीहरुको लागि परीक्षा केन्द्र सार्वजनिक भएको हो ।
त्रिभुवन विश्वविद्यालय परीक्षा नियन्त्रण कार्यालय, बल्खुले काठमाण्डौ उपत्यका र काभ्रेपलाञ्चोक जिल्लाका परीक्षार्थीहरूको लागि परीक्षा केन्द्र सम्बन्धी सूचना सार्वजनिक गरेको हो ।
परीक्षा नियन्त्रण कार्यालय बल्खुद्वारा वार्षिक परीक्षा प्रणाली अनुरुप २०७६ साल माघ ७ गते देखि सञ्चालन हुने मानविकी, व्यवस्थापन, (MBS & MPA) र शिक्षाशास्त्र सङ्कायतर्फका स्नातकोत्तर तह दोस्रो वर्षको आंशिक तथा प्राईभेट (पूरा तथा आंशिक) मौका समेतका परीक्षा दिने परीक्षार्थीहरूको परीक्षा केन्द्र निम्नानुसार निर्धारण गरिएको जनाएको छ ।
बिहान ११.०० बजेदेखि शुरु हुने परीक्षा दिउसो ३.०० बजेसम्म सञ्चालन हुने बल्खुले जारि गरेको सुचनापत्रमा उल्लेख गरेको छ ।
परीक्षा केन्द्र हेर्न तल लिंकमा जानुहोला: http://tuexam.edu.np/
