सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

सुनिल स्मृति साहित्य महोत्सवको तयारी तीव्र

२०७८ पुष २३, शुक्रबार
शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः रोल्पाको सुलिचौरमा सुनिल स्मृति साहित्य महोत्सव हुने भएको छ । कार्यक्रम जिएम मुभिजको आयोजना र सुनिल स्मृति गाउँपालिको आर्थिक सहयोगमा हुन लागेको हो ।

आगामी शनिबार र आइतबार धनलक्ष्मीको ग्राउण्डमा हुन लागेको कार्यक्रमलाई पूर्वसभामुख कृष्णबहादुर महराले उद्घाटन गर्न लागेका हुन् । कार्यक्रममा माओवादी नेताहरू जोखबहादुर महरा र झक्कुप्रसाद सुवेदीको समेत विशेष उपस्थिति रहनेछ ।

आयोजकका अनुसार कार्यक्रममा १० वटा बहसका सेसनहरू सञ्चालन हुनेछन् । सुनिलको सपना सेसनमा वक्ताको रूपमा बाग्मती थापा प्रस्तुत हुनेछिन् भने उनलाई पत्रकार माधवकुमार वलीले सहजीकरण गर्नेछन् ।

कमरेडको खबर सेसनमा वक्ता झक्कु सुवेदी छन् भने सहजीकरण महेश न्यौपानेले गर्नेछन् । संसद्मा सर्कसमा वक्ता राजकुमार कुँवर छन् भने सहजीकरण नवीन लोचनले गर्नेछन् । त्यस्तै गाउँ जानेबाटोमा वक्ताहरू गुणेन्द्र घर्ती, रक्तिम पुन, दुर्गाबहादुर खड्का र बालाराम बुढा छन् भने सहजीकरण काँशिराम डाँगीले गर्नेछन् ।

बिर्सिएको युद्ध पर्यटनमा वक्ताहरू पुरण क्षेत्री, खेम बुढा र पृथ्वी पुन छन् । उनीहरूलाई मनीषा श्रेष्ठले सहजीकरण गर्नेछिन्। कार्यक्रममा राष्ट्रिय मुद्दाका विषयहरू प्नि उठाइएको आयोजकले बताएको छ । कविले बिराएको बाटोमा कविहरू श्यामल अधिकारी र श्रवण मुकारुङ वक्ता छन् ।

उनीहरूलाई युवा पुस्ता चर्चित कवि घनश्याम अस्तित्वले सहजीकरण गर्नेछन् । धार्मिक सत्ताको पन्जामा रामचन्द्र ढकाल र कीर्तिमान पुन वक्ता रहनेछन् भने सहजकर्ता राजकुमार बानिया रहनेछन् ।

त्यस्तै कार्यक्रममा देशका विभिन्न जिल्लाबाट आएका शक्तिशाली कविहरूले कविता वाचन गर्नेछन् । कार्यक्रममा चौथो आयाममा काठमाडौंका थिएटर कलाकारहरूले नाटकसमेत प्रस्तुत गर्नेछन् । कार्यक्रममा सबै उपस्थितिको लागि आग्रह गर्दै कार्यक्रमको तयारी सबै पुरा भइसकेको कार्यक्रम मूल आयोजक समितिका सदस्य दिलीप कुँवरले जानकारी दिएका छन् ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

सोलुखुम्बुमा दुई साहित्यकार सम्मानित, आशुकविता प्रतियोगितामा सञ्जीव भण्डारी प्रथम

गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान

अन्तर्राष्ट्रिय साहित्य सम्मेलनमा सहभागी हुन कुलपति नेपाल बंगलादेश प्रस्थान

‘प्रिय कर्णाली’मा कर्णालीको सभ्यता, पहिचान र सामाजिक रूपान्तरणको विमर्श

साहित्यिक गतिविधि ‘डिजिटल’ बनाउन जोड

कविता बाचन गर्दै मनाइयो महाकविको जन्मजयन्ती

पूर्वकुलपति कर्माचार्यलाई सयपत्री राष्ट्रिय सम्मान प्रदान

साहित्यकार मोतीशोभाका पाँच कृति एकैसाथ विमोचित

टीका–गोपाल राष्ट्रिय गीत सङ्गीत पुरस्कार साहित्यकार दाहाललाई

चिनियाँ सांस्कतिक टोली सम्मानित

विमल गुरुङ कृति पुरस्कार भुपिन र जुनुको कृतिलाई

सीमान्त समुदायको भाषा, साहित्य र पहिचान प्रवर्द्धन गर्न जुम्लामा साहित्य सम्मेलन