काठमाण्डौः साहित्यकार प्रमोद अमात्यको कृति ‘शुक्रबारे गन्थन’ हालै सार्वजनिक भएको छ ।
क्यालिफोर्नियामा विकल्प फाउन्डेसन र प्रोजेक्ट इन्टरटेन्मेन्टद्वारा आयोजित कार्यक्रममा फाउन्डेसनका निर्मल फुँयाल, कवि स्वस्तिका स्वस्ति र साहित्यकार डा. टीका लम्सालले ‘शुक्रबारे गन्थन’ गन्थन मात्रै नभएको चर्चा गरेका थिए ।
कृतिकार प्रमोद अमात्यले पुस्तकको गर्भगाथा सुनाएका थिए । उक्त अवसरमा स्वस्तिका स्वस्तिबाट विमोचित किताबमा रोचक पंक्तिहरू पढेर सुुनाइएको लेखक अमात्यले जनाएका छन् ।
कार्यक्रममा नयाँ पुस्ताका कविहरूले कवितावाचन गरेका थिए । लेखक अमात्यको ‘शुक्रबारे गन्थन’ बीएन पुस्तक संसारले प्रकाशन गरेको हो । यसको सम्पादक विमल भौकाजी हुन् ।
