काठमाण्डौः राष्ट्रिय परीक्षा बोर्डले यस वर्षको माध्यमिक शिक्षा परीक्षा अर्थात् एसइई आगामी वैशाखमा गर्ने गरी तयारी सुरु गरेको छ।
बोर्डले वैशाखमा एसइई परीक्षा सञ्चालन गर्ने र जेठमा कक्षा १२ को परीक्षा सञ्चालन गर्ने तयारी गरेको हो।
बोर्डका अध्यक्ष डा महाश्रम शर्माले एसइई वैशाखमा र कक्षा १२ को परीक्षा जेठमा सञ्चालन गर्ने बोर्डले निर्णय गरेकाे जानकारी दिए। उनले दुइटै परीक्षाकाे तयारी बाेर्डले सुरु गरेकाले परीक्षाको तयारीमा रहन विद्यार्थीलाई आग्रहसमेत गरे।
विद्यार्थीको पढाइ पुर्याउन चैतसम्म कक्षा सञ्चालन गर्ने र वैशाखमा परीक्षा गर्ने तयारी गरिएको हो। परीक्षा तालिका भने बोर्डले केही दिनपछि सार्वजनिक गर्ने तयारी गरेको जनाइएको छ।