शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौः साहित्यकार गोविन्द वर्तमानले जीवनकालभरि लेखेका कविताहरू अब एकै पुस्तकमा संग्रहित भई प्रकाशन हुने भएको छ।
कवि वर्तमानका कुनै पनि कविता वा कविता प्रकाशनसम्बन्धी सन्दर्भस्रोत भए सामाजिक सञ्जाल वा मेलबाट जानकारी गराउन संगीत स्रोताले आह्वान गरेका छन्। संगीतकै सम्पादनमा उक्त कविता संग्रह प्रकाशन हुन लागेको हो।
२०३० को दशकदेखि कविता लेखनमा सक्रिय वर्तमानका थुप्रै फुटकर कविता निरन्तर प्रकाशन भइरहेका थिए। २०६९ सालमा निधन भएपछि वर्तमानको ‘हरियो साइकल’ र ‘सोह्र साँझ’ निबन्ध संग्रह प्रकाशित भए पनि कविता भने प्रकाशन भएको थिएन।
