काठमाण्डौः अक्षरमार्ग प्रकाशन र सिर्जना अभियान समाजको संयुक्त आयोजनामा सम्पन्न कार्यक्रममा साहित्यकार ध्रुवनारायण जोन्छेँका दुई पुस्तक सार्वजनिक गरिएका छन् । जोन्छेँका ‘जीवन एक यात्रा अनेक’ (कवितासंग्रह) र ‘तृष्णामा अल्झिएको जीवन’ (निबन्धसंग्रह) विमोचन भएको हो ।
कार्यक्रमका प्रमुख अतिथि नेपाल प्रज्ञा प्रतिष्ठानका उपकुलपति डा. जगमान गुरुङले कृति विमोचन गर्दै कला संस्कृतिले सम्पन्न भक्तपुरको पहिचानलाई जोगाउने दायित्व सबैको भएको बताए । उनले स्रष्टाहरूले लेखनमा निरन्तर लागिरहनु पर्ने पनि बताए ।
कथाकार ध्रुव मधिकर्मीले साहित्यले सबैलाई जोड्ने काम गर्ने उल्लेख गरे ।
