काठमाण्डौः नाटकले दोस्रो विश्वयुद्धपछिको मानवीय संवेदना र विसङ्गत सामाजिक परिवेशलाई आधार बनाएर युद्धबाट फर्केको सुयोगवीर सिंह र एक सम्भ्रान्त परिवारसँगको सम्बन्धको कथा भन्छ ।
तत्कालीन परिवेशमै फरक चेतना बोकेकी सकमबरी सुयोगवीरको युद्धको विस्मृति र विक्षिप्तताको ऐना बनेर आउँछे । ४५ वर्षसम्म अविवाहित सुयोगवीरको महिलाप्रतिको दृष्टिकोण र २४ वर्षे सकमबरीको आत्मसम्मान, स्वच्छन्दताका साथै स्वतन्त्रताको दर्शनबीच उत्पन्न हुने अन्तद्र्वन्द्व नाटकमा छ ।
समग्रमा पितृसत्तात्मक चिन्तन र नारीवादी चेतनाबीचको विमर्श नै ‘शिरीषको ‘फूल’ को अन्तर्वस्तु हो । उपन्यासलाई ‘चौथो आयाम’ समूहले नाटकीकरण गरेका हुन् भने परिकल्पना केदार श्रेष्ठ तथा निर्देशन अञ्जान प्रदीपले गरेका हुन् ।
नाटकलाई थिएटर मल–कीर्तिपुर रङ्गमञ्चले प्रस्तुत गर्दैछ । नाटकमा समृद्धि नेपाल, सञ्जय विश्वकर्मा, हाङ ओ हाङ राई, मञ्जु महर्जन, अस्िमना भारती, जेनी सुनुवारलगायतको अभिनय रहेको छ भने मञ्च व्यवस्थापन र सहनिर्देशन शिव परियारले गर्दैछन् ।
अहिले धमाधम नाटकको रिहर्सलका साथै मञ्च निर्माणका कार्य भइरहेका छन् । गोरखापत्र दैनिक