सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

क्यानडा सिनेट सभामुख र शिक्षा मन्त्रीविच भेटवार्ता: नेपाली विद्यार्थीहरुलाई पनि क्यानेडियन विद्यार्थी सरह सहुलियत दिन आग्रह

२०७६ माघ २९, बुधबार
शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौं: शिक्षा, विज्ञान तथा प्रविधि मन्त्री गिरिराजमणि पोखरेलले क्यानडामा अध्ययनरत नेपाली विद्यार्थीहरुलाई थप सहुलियत दिन माग गरेका छन्।

बुधबार क्यानडाको सिनेटका सभामुख महामहिम फुर्रेसँग शिक्षा मन्त्रालयमा भएको शिष्टाचार भेटवार्तामा मन्त्री पोखरेलले नेपाली विद्यार्थीहरुलाई क्यानेडीयन विद्यार्थीले पाउने बराबरको सेवा सुविधा दिन माग गरेका हुन्।

भेटमा मन्त्री पोखरेलले क्यानडाले प्राविधिक शिक्षालाई राम्रोसँग विस्तार गरेको बताउँदै नेपालका टेक्निकल इन्स्टिच्युटको विकासमा सहयोग गर्न आग्रह गरेका छन। त्यस्तै उच्च खालको जनशक्ति उत्पादनका लागि विश्वविद्यालय लेवलमा प्रोफेसर र विद्यार्थी समेत एक्सचेन्ज गरेर अनुभव आदान–प्रदान गर्न समेत मन्त्री पोखरेलले आग्रह गरेको शिक्षामन्त्रीका स्वकीय सचिव पुरन केसीले बताएका छन।

‘क्यानडामा अध्ययनरत नेपाली विद्यार्थीहरुलाई त्यहाँका उच्च शिक्षा प्रदायक संस्थाहरुबाट क्यानेडीयन विद्यार्थी बराबर सुहुलियत दिलाइदिन मन्त्रीज्युले माग गर्नुभएको छ’, केसीले भने, ‘प्राविधिक शिक्षामा सहयोग गर्न र उच्च खालका जनशक्ति उत्पादन गर्ने विश्वविद्यालय स्तरको शिक्षामा अनुभव आदानप्रदान गर्ने विषयमा छलफल भएको छ।’

उक्त विषयमा सहकार्य र सहयोग आदान प्रदानका लागि नेपाल सरकार शिक्षा, विज्ञान तथा प्रविधि मन्त्रालय र नेपालका लागि क्यानडाका राजदूतावासबीच थप छलफल गरी अगाडि बढ्ने विषयमा सहमति भएको केसीले बताएका छन।

शिष्टाचार भेटघाट कार्यक्रममा क्यानडाको सिनेटका प्रतिपक्षी दलका नेता, सिनेटर, लगायत नेपालका लागि क्यानडाका राजदूत समेतको उपस्थिति रहेको थियो। सभामुख मुर्रेले आफू शिक्षकबाट राजनीतिमा आएर सभामुख बनेको हुँदा जुन देशमा जाँदा पनि शिक्षामन्त्रीलाई भेट्ने र त्यहाँको शैक्षिक अवस्थामा जानकारी लिने गरेको बताएका थिए। ‘म शिक्षकबाट आएर सभामुख बनेको हुँदा आफू गएका देशको शिक्षामन्त्रीलाई भेट्ने र त्यहाँको शैक्षिक अवस्थाबारे जानकारी लिने गरेको छु’, सभामुख मुर्रेको भनाइ उल्लेख गर्दै केसीले भने।

उक्त भेटघाटमा शैक्षिक अनुभव आदान प्रदानका साथै दुई देशबीच शैक्षिक क्षेत्रमा विशेष गरी उच्च शिक्षा, प्राविधिक तथा व्यवसायिक शिक्षा र तालिम एवम् विज्ञान तथा प्रविधि क्षेत्रमा सहकार्यका सम्भावनाका बारेमा छलफल भएको केसीले बताएका छन।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

उपल्लो मुस्ताङका ३६५ विद्यार्थी जाडो छल्न बेसी झारिए

सुदूरपश्चिम विश्वविद्यालयमा राष्ट्रिय ह्याकाथन प्रतियोगिता सुरु

फोहरलाई स्रोतका रूपमा उपयोग गर्न प्रेरित गर्दै ‘आरयू फेस्ट’

विकेन्द्रीकरण विस्तारको तयारीमा त्रिवि

त्रिविले खुलायो M.Ed. र MSSEd विद्यार्थीलाई परीक्षा केन्द्र रोज्ने सुविधा

प्रवासीको सहयोगमा विद्यालय भवन निर्माण

विद्यालयका निम्ति जग्गा खरिद गर्न देउसीभैलोबाट जुट्यो नौ लाख

चिनियाँ दूतावासले बलान बिहुलमा शैक्षिक तथा स्वास्थ्य सामग्री सहयोग

अन्तरराष्ट्रिय शैक्षिक सहकार्य विस्तार गर्न त्रिविद्वारा ‘कन्ट्री फोकल पर्सन’ को आह्वान

टर्कीका शिक्षामन्त्रीसँगै मन्त्री पोखरेलको विद्यालय अवलोकन : बालमैत्री र हरित शिक्षाका अभ्यासबारे चासो

जलवायु अनुकूलनका लागि ‘राष्ट्रिय पाठ्यक्रम प्रारूप’ परिमार्जन गर्दैछौँ: शिक्षामन्त्री पोखरेल

निधि भवन राजर्षी जनक विश्वविद्यालयलाई हस्तान्तरण