काठमाण्डौं: विप्लव समूहका विद्यार्थी नेता पक्राउ गरेको विरोधमा देशव्यापी शैक्षिक हड्ताल गर्न आब्हान गरेको छ ।
मंगलवार नेकपा विप्लवले एक विज्ञप्ति जारी गर्दै पक्राउ पररेका विद्यार्थी नेता केन्द्रीय अध्यक्ष चिरञ्जीवि ढकाल र कोषाध्यक्ष नरेन्द्र विश्वकर्माको रिहाइको माग राख्दै बुधबार शैक्षिक संस्था बन्द गर्न आब्हान गरेको हो।
विज्ञप्तिमा दलाल राज्यको श्वेत आतंकको प्रतिरोध स्वरुप र कमरेडहरुको स–सम्मान रिहाइका लागि केन्द्रीय कार्यक्रम अनुसार फागुन १४ गते देशभर रहेका सामुदायिक, निजी तथा प्राविधिक शैक्षिक संस्था बन्द गरिदिनुहुन अपिल गर्दछौं।’ उल्लेख गरिएको छ ।
