काठमाण्डौ: प्रधानमन्त्री तथा विश्वविद्यालयका कुलपति केपी शर्मा ओलीले सोमबार दुई विश्वविद्यालयमा उपकुलपति नियुक्त गरेका छन ।
पूर्वाञ्चल विश्वविद्यालयमा डा. यादव कोइराला र सुर्खेतमा केन्द्रीय कार्यालय रहेको मध्यपश्चिमाञ्चल विश्वविद्यालयमा नन्दबहादुर सिंहलाई नियुक्त गरिएको छ । ती दुवै विश्वविद्यालयमा ६ महिनाभन्दा लामो समयदेखि उपकुलपति रिक्त थियो।
अझै पनि पोखरा, नेपाल संस्कृत, कृषि तथा वन विश्वविद्यालयमा उपकुलपति रिक्त छ । कुलपतिको हैसियतमा प्रधानमन्त्रीले उपकुलपति नियुक्त गर्ने कानुनी व्यवस्था छ ।
