सदाबहार खबरको रफ्तार ....
चैत्र १५, २०८० बिहिबार
March 28, 2024
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय

म टिकटको लागि एमालेसँग कन्भिन्स भएको हैन देशका लागि हो । – उमाशंकर अरगरिया (अन्तवार्ता)

२०७९ भाद्र ३१, शुक्रबार
शेयर गर्नुहोस:
फन्ट परिवर्तन गर्नुहोस:

लोकतान्त्रिक समाजवादी पार्टी (लोसपा)मा स्थापित नेता हुनुहुन्थ्यो । जिम्मेवारीका दृष्टिले पनि उच्च स्थानमै हुनुहुन्थ्यो । तर, एकाएक एमाले प्रवेश गर्ने निर्णयमा पुग्नुभयो किन ?

देशको लागि एमाले चाहिएको छ । विकासको लागि एमाले चाहिएको छ । एमाले नेतृत्वको सरकारको पालामा विकासको गतिले जुन तिव्रता पाएको थियो त्यो अहिले ठप्प छ । यसकारण देश बचाउनको निम्ति, नेपाललाई आर्थिक विकासका दृष्टिले समृद्ध बनाउनको निम्ति, मधेश, पहाड, हिमाल सबैलाई एकै रुपमा अगाडि लगेर विकसित नेपाल बनाउनको एमाले रोजेको हुँ ।

यो मोटो जवाफ भयो । चुनावको मुखैमा पार्टी परिवर्तन गर्नुको कारण मोटो जवाफले पुग्छ र ?

समय अहिले मिलेको हो । म पहिले मधेशवादी राजनीतिमा थिएँ । अब मधेश केन्द्रित राजनीति छाडेर एमालेबाट अगाडि बढ्छु ।

मधेश केन्द्रित राजनीतिमा त्यस्तो के रहेछ ? जसलाई निरन्तरता दिन सक्नुभन वा चाहनुभएन ?

मधेशवादी दलहरु आफैंमा राजनीति केन्द्रित गर्ने, आफन्त, नातागोता, कृपा भन्दा माथि उठ्न सकेको छैन् । भ्रष्टाचारका हिसाबले हेर्दा पनि मधेश प्रदेश सरकामाथि धेरै नै आरोपहरु लागेका छन्, एउटा ठोस योजना कार्यक्रम राख्न सकेको छैन् । यसकारणले पनि र देशको निम्ति एमाले रोज्नुपरेको हो ।

कुनैबेला एमालेलाई मधेशमा निषेध गर्ने भनेर चालेको अभियानमा हुनुहुन्थ्यो । त्यो ‘एमाले मुक्त मधेश’ बनाउने अभियान छाडेर एमालेमै प्रवेश गर्दा कार्यकर्ताहरु आश्चर्यचकित हुँदैनन ? एकाएक किन बदलिएको भनेर प्रश्न गर्दैनन ?

एकाएक बदलिएको होइन । जतिबेला म मधेशको राजनीति (मधेश केन्द्रित) गर्दथेँ त्यतिबेला एमाले र एमाले अध्यक्ष केपी ओलीको सबैभन्दा बढी आलोचक मै थिएँ, म आलोचना गर्दथेँ । तर, ओलीजीको कार्यशैली जब नजिकबाट हेरेँ, उहाँ नेतृत्वको सरकारको विधि विकास हेरेँ, उहाँमा निष्ठा र इमानदारिता पाएँ । ओलीजीले आफ्नो सम्पत्ति पनि राष्ट्रको नाममा गर्नुभएको छ । यसले गर्दा विगतको दृष्टि बदलिएको छ ।

हिजो मधेश विरोधी भनिएका ओली त्यस्तो रहेनछन भन्ने तपाईंलाई लाग्यो । अझ उनी राष्ट्रवादी रहेछन भन्ने बुझ्नुभयो र मधेश केन्द्रित राजनीति छोडेर एमालेमै जाने निर्णय गर्नुभयो त्यसो भए ?

हिजो पनि हामीले उहाँ (केपी ओली)ले भन्दा टाढा हेरेर बोलेका थियौं । तर, अहिले वास्तवमा हेर्नुहुन्छ भने यो मुलुकलाई केपी ओली चाहिएको छ । हामीले मुलुकको आवश्यकतालाई प्राथमिकता दिनुपर्ने भयो ।

अहिलेको गठबन्धनको सरकारलाई हेर्दा– भ्रष्टाचार व्याप्त छ । मुलुकको आफ्नै ढुकुटीबाट कर्मचारीलाई तलब दिन सकिइरहेको छैन् । यसकारण देश कता जाँदैछ ? यसकारण देश बचाउनुपर्ने भयो । यसकारण केपी ओलीलाई फेरि प्रधानमन्त्री बनाउने चाहना छ ।

हिजो टाढाबाट हेर्दा केपी ओली मधेश विरोधी देखिन्थे । नजिकबाट हेर्दा राष्ट्रवादी देख्नुभयो हैन त ?

केपी ओली एकदम राष्ट्रवादी हुनुहुन्छ । यो देशको कायापलट गर्ने क्षमता उहाँसँग मात्रै छ । यो देशमा उहाँ जस्तो अरु कुनै नेता छ भने देखाइदिनु्स । छैन भनेपछि उहाँलाई साथ दिनुपर्छ । यही कुरा बुझेर म एमालेतिर कन्भिन्स भएको हुँ ।

केपी ओलीलाई हेर्ने विगतको दृष्टि फेरिनुको कारणहरु त पक्कै होला । ठोस रुपमा पनि भन्न सक्नुहुन्छ कि यस्तै सैद्धान्तिक विषय हो राष्ट्रवादी यस्तै उस्तै ?

उहाँको सरकारको पालामा विकासले जसरी तिव्रता लियो त्यो त सबैले देखेका छन् । देश विकासतिर उन्मुख भएको थियो । तर, गठबन्धन सरकार बनेपछि विकास ठप्प भएको छ । ठप्प भएको विकासलाई तिव्रता दिनुपर्ने छ । हिमाल, पहाड र मधेशलाई समृद्ध बनाउन केपी ओलीको विकल्प कसैले देख्दैन् ।

उहाँ (केपी ओली) राजनेता हुनुहुन्छ । मुलुकलाई समृद्ध बाटोमा लैजाने एउटै मूल नेता हुनुहुन्छ ।

आफैंले बनाएको संविधानको आफैंले उल्लंघन गर्‍यो भनेर केपी ओली नेतृत्वको सरकार ढाल्न सडकमा हुनुहुन्थ्यो । केही समयमै उहाँको सरकार ढल्यो । सरकारमा हुँदा विरोध गर्ने, सरकारबाट बाहिर निस्केपछि राजनेता भन्ने यो त बडा गज्जबको भएन र ?

जब सरकारले रामोसँग काम गर्दैन भने जनतामा जानु नराम्रो होइन । त्यतिबेला पनि मैले यो कुरा भनेको थिएँ । जनतामा जान खोज्नु न्यायिक कुरा हो । परमादेशबाट सरकार बनेपछि त मैले गैरसंवैधानिक भयो भनेर सार्वजनिक रुपमै भनेको थिएँ ।

एमालेबाट संघीय सांसद पदको लागि टिकट टुंगो लाग्यो ?

टिकटको कुरा मेरो भएको छैन् । पार्टीले जो निर्णय गर्छ त्यसमा मेरो समर्थन रहनेछ । म टिकटको लागि एमालेसँग कन्भिन्स भएको हैन देशका लागि हो । कसले देशलाई सही दिशामा लान सक्छ भन्ने हेरेको हुँ ।

उसो भए अब, मधेशमय एमाले बनाउने तपाईंको राजनीतिक उदेश्य होला हैन ?

विश्वास गर्नुहोस्, चुनावपछि मधेश प्रदेशमा एमालेकै सरकार बन्छ ।अनलाईनखबर

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

संविधान संशोधन हुनुपर्छ भन्ने हाम्रो पहिलेदेखिको मागमा दृढ छौँ : लोसपा वरिष्ठ उपाध्यक्ष, जितेन्द्र सोनल (अन्तवार्ता)

काँग्रेसले हिन्दु राष्ट्रमै जाऔं भन्ने गरिरहँदा हामीले त्यसलाई गम्भीर रूपमा लिएकै हौं : माओवादी उपमहासचिव, वर्षमान पुन (अन्तवार्ता)

नेतृत्वप्रति नै अविश्वसनियता बढेकोले चौध महिनामा तीन पटक सरकार परिवर्तन भए : काँग्रेस नेता, रमेश लेखक (अन्तवार्ता)

आधारभूत प्रश्नबाट कांग्रेस पछि हटेपछि विश्वासको सङ्कट पैदा भयो : प्रवक्ता, अग्नी सापकोटा (अन्तर्वार्ता)

अर्थतन्त्र केही दबाब वा चापमा छ, गतिमा मन्दी आए पनि संकटमै छैन : अर्थमन्त्री, वर्षमान पुन (अन्तवार्ता)

हामी राजनीतिक रूपमा दुवै छिमेकीसँग समनिकटताको सम्बन्ध राख्छौँ : परराष्ट्रमन्त्री, नारायणकाजी श्रेष्ठ (अन्तवार्ता)

जनतालाई डेलिभरी दिनुपर्छ भन्ने आत्मविश्वासका साथ सत्ता समीकरणमा साझेदार भएका हौं : विनाविभागीय मन्त्री, डीपी अर्याल (अन्तवार्ता)

कांग्रेसका कारण गठबन्धन टुटेको होइन, प्रधानमन्त्रीकै कारण टुटेको हो : एनपी साउद, (अन्तवार्ता)

राष्ट्रिय सभाको गरिमा बढाउन र स्तर वृद्धि गर्नका लागि त्यही खालका प्रतिनिधि सदनमा जानुपर्छ : राष्ट्रियसभा अध्यक्ष, गणेश प्रसाद तिमिल्सिना (अन्तवार्ता)

वडादेखि केन्द्रसम्म अधिवेशन गरेर सबै ठाउँमा नेतृत्व चयन गरौं : लोसपा नेता, सर्वेन्द्रनाथ शुक्ल (अन्तवार्ता)

सर्वोच्चमा नियक्ति हुने न्यायाधीशको हकमा पनि केही प्रावधान राखौं : डा. श्रीकृष्ण भट्टराई, पूर्व न्यायाधीश (अन्तवार्ता)

संविधान र कानुनले नचिनेको यो व्यवस्थामा पुनरवलोकन गर्नुपर्ने देखिन्छ : प्रमुख निर्वाचन अधिकृत, दिनेश थपलिया (अन्तवार्ता)