सदाबहार खबरको रफ्तार ....
असोज १७, २०७९ सोमबार
October 3, 2022
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय

‘कालजयी नेपाली कविता’ प्रकाशित

२०७९ असोज १, शनिबार

काठमाण्डौः कवि एवं कूटनीतिज्ञ कृसु क्षेत्रीले ‘कालजयी नेपाली कविता’ नामक ऐतिहासिक कृतिको सम्पादन गरेका छन् ।

सुवानन्द दासको पहिलो नेपाली कविता ‘पृथ्वीनारायण’ (विक्रम संवत् १८३१) देखि समकालीन कविता फाँटका प्रतिनिधि कविहरूको कवितालाई सम्पादन गरी कृतिमा समावेश गरिएको छ ।

बीपी कोइराला नेपाल भारत फाउन्डेसनद्वारा प्रकाशित कृतिमा यस अवधिका १०१ कविहरूका १/१ वटा कालजयी कविता संग्रहीत छन् । सम्पादक क्षेत्रीका अनुसार निकट भविष्यमै कृतिलाई हिन्दी र अंग्रेजी भाषामा अनुवाद गरेर प्रकाशन गरिनेछ ।

नेपाली कविता परम्परामा प्रत्येक कालखण्डका केही कविता भाषा, शैली, शिल्प र समयसापेक्ष जस्ता विशिष्ट गुण भएका पाइएको सम्पादक क्षेत्रीले बताए । उनका अनुसार समयसीमामा नबाँधिई अमरत्व प्राप्त गरेका कालजयी कविताहरू एकैठाउँमा संकलन हुन सकेको थिएन ।

विशेषगरी नेपाली कविताको विभिन्न मोड, आयाम र प्रवृत्तिलाई समाविष्ट गर्न नसकिएको अवस्थामा यो संकलन नेपाली साहित्यका गम्भीर पाठक, अध्येता र शोधकर्ताका लागि निकै उपयोगी, पठनीय र संग्रहणीय हुने विश्वास फाउन्डेसनले लिएको छ ।

प्रथम कवि सुवानन्द दास, यदुनाथ पोखर्याल, भानुभक्त आचार्य, ज्ञान दिलदास, मोतीराम भट्ट, लेखनाथ पौड्याल, लक्ष्मीप्रसाद देवकोटा, गोपालप्रसाद रिमाल, माधवप्रसाद घिमिरे, मोहन कोइराला, भूपि शेरचन, हरिभक्त कटुवाल, पारिजात, ईश्वर वल्लभ, वैरागी काइँला, तुलसी दिवस, वानिरा गिरि, कुन्ता शर्मा, कृष्णभुषण बल, विष्णुविभु घिमिरे, सरूभक्त, कृष्ण सेन इच्छुक, दिनेश अधिकारी, दुबसु क्षेत्री, श्रवण मुकारुङ आदिका बहुचर्चित कविताहरू संकलित प्रस्तुत संग्रह नेपाली कविताको इतिहासमा कोसेढुंगा सावित हुने विश्वास प्रकाशकले लिएको छ । लोकान्तर

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

‘बौद्ध कथा’ र ‘मञ्जुश्रीको नेपालयात्रा’ पुस्तक लोकार्पण

सुरक्षाको कोणबाट नेपाल चिनाउने पुस्तक नेशनल सेक्युरिटी एण्ड दी स्टेट: अ फोकस अन नेपाल‘ सार्वजनिक

कथासंग्रह ‘तनुजा’ सार्वजनिक

गौतम धिमाललाई आईपीए अवार्ड

प्रदीप रोदनको ‘मफलर’ लोकार्पण

कवितासंग्रह ‘यारी’ सार्वजनिक

दिलीप ढकालको उपन्यास ‘छलाङ’ लोकार्पण

कृति ‘ऋतंभरा महाकाव्य’ लोकार्पण

जीवनकुमार प्रसाईंको नयाँ पुस्तक ‘धेरैको धपेडी’ सार्वजनिक

रङ्गकर्मी पोखरेललाई नाट्य सङ्गीत सम्मान

कवि राजेन्द्र तारकिणीको ‘बिगन रामको मादल’ सार्वजनिक

किड क्विन नेपालले देखाए प्रतिभा

%d bloggers like this: