सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

अन्तर्राष्ट्रिय चलचित्रहरूको सहभागिता सहित ‘दोस्रो नीफ’ सम्पन्न

२०७५ चैत्र ५, मंगलबार
शेयर गर्नुहोस:
फन्ट परिवर्तन गर्नुहोस: अ अ अ

काठमण्डौंः दोस्रो नेपाल अन्तर्राष्ट्रिय चलचित्र महोत्सव (नीफ) ३१ देशका ६० भन्दाबढी चलचित्रहरूको प्रतिष्पर्धासहित सम्पन्न भएको छ। काठमाण्डौंको पर्यटन बोर्ड र राष्ट्रिय सभागृहमा यो महोत्सव पाँचदिनसम्म चलेको थियो।

गत सोमबार आयोजित समापन समारोहमा उपप्रधान तथा रक्षामन्त्री ईश्वर पोखरेल प्रमुख अतिथिका रूपमा उपस्थित थिए। नेपालका विशिष्ट र वरिष्ठ चलचित्रकर्मीहरू, प्राविधिकहरू, पत्रकारहरू, विदेशी पाहुनाहरू लगायतको उपस्थिति रहेको कार्यक्रममा पुरस्कृतहरूलाई ट्रफी र प्रमाण पत्र हस्तान्तरण गरिएको थियो।

नीफमा सहभागी प्रतिष्पर्धी चलचित्रहरूमध्ये सर्वोत्कृष्ट छनोट गर्न नेपालका वरिष्ठ निर्देशक तथा कलाकार नीर शाहको संयोजकत्वमा पाँच सदस्यीय निर्णायक समिति चयन भएका थिए। भारतका चर्चित चलचित्रकर्मी प्रेमेन्द्र मजुमदार, चीनको बेइजिङ चलचित्र एकेडेमीका प्रोफेसर ल्याङ स्याओ, क्यान्स चलचित्र फेस्टिभलका प्रोग्राम निर्देशक एन्ने डेलेच, नेपाली जनजाति तथा भाषाभाषी चलचित्रका वरिष्ठ चलचित्रकर्मी नविन सुब्बा निर्णायक सदस्यका रूपमा सहभागी थिए।

NIFF-Lawa Pyakurel

महोत्सवमा इओ सिउ हुआ निर्देशित सिंगापुरको चलचित्र ‘अ ल्यान्ड इमाजिन्ड’ ले अन्तर्राष्ट्रिय प्रतिस्पर्धामा सर्वोत्कृष्ट भई ‘गौतम बुद्ध पुरस्कार’ जितेको थियो। पहिलो हुँदै चलचित्रले एक हजार डलरसहित ट्रफी र प्रमाण पत्र पाएको थियो। सुवर्ण सेनजुती तुसीको निर्देशन र लेखन रहेको भारत–बंगलादेशको ‘मीन आलाप’ ले सर्वोत्कृष्ट लघु चलचित्रको ‘माउन्ट एभरेस्ट पुरस्कार’ सहित पाँच सय डलर जितेको थियो।

नीफमा सहभागी चलचित्रमध्ये राष्ट्रिय लघु चलचित्रहरूको प्रतिस्पर्धामा ‘आमा’ बाट परिच्छेद सेनले सर्वोत्कृष्ट निर्देशक पुरस्कार प्राप्त गरेका थिए। सर्वोत्कृष्ट चलचित्र पुरस्कार नरेशकुमार केसी निर्देशित ‘डाइङ क्यान्डल’ ले पायो भने यसै चलचित्रबाट रविन आचार्यले सर्वोत्कृष्ट छायाँकारको पुरस्कार पाए। ‘डाइङ क्यान्डल’ ले ५० हजार रुपैयाँसहित प्रमाण पत्र पाएको थियो। सर्वोत्कृष्ट पटकथाको पुरस्कार शिवम् अधिकारी निर्देशित ‘पञ्चायत’ ले प्राप्त गरेको थियो। यसैगरी लघु वृत्तचित्रतर्फ २५ हजार रुपैयाँसहित सर्वोत्कृष्ट पुरस्कार सेनाङ ग्याम्जो तामाङ निर्देशित ‘सुपर मंक’ ले पाएको थियो। सर्वोत्कृष्ट सम्पादकको पुरस्कार यसै चलचित्रबाट लव प्याकुरेलले प्राप्त गरेका थिए। बंगलादेशको चलचित्र ‘कोमोला रकेट’ लाई जुरी पुरस्कार प्रदान गरिएको थियो।

महोत्सवको अन्तिम दिन सोमबार चीनको चलचित्र ‘अला चाङसो’ प्रदर्शन गरिएको थियो। नेपाल भाषाका दुई छोटा चलचित्र ‘द मिथ जिरो’ र ‘अस्तित्व’ पनि देखाइएको थियो।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

सोलुखुम्बुमा दुई साहित्यकार सम्मानित, आशुकविता प्रतियोगितामा सञ्जीव भण्डारी प्रथम

गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान

अन्तर्राष्ट्रिय साहित्य सम्मेलनमा सहभागी हुन कुलपति नेपाल बंगलादेश प्रस्थान

‘प्रिय कर्णाली’मा कर्णालीको सभ्यता, पहिचान र सामाजिक रूपान्तरणको विमर्श

साहित्यिक गतिविधि ‘डिजिटल’ बनाउन जोड

कविता बाचन गर्दै मनाइयो महाकविको जन्मजयन्ती

पूर्वकुलपति कर्माचार्यलाई सयपत्री राष्ट्रिय सम्मान प्रदान

साहित्यकार मोतीशोभाका पाँच कृति एकैसाथ विमोचित

टीका–गोपाल राष्ट्रिय गीत सङ्गीत पुरस्कार साहित्यकार दाहाललाई

चिनियाँ सांस्कतिक टोली सम्मानित

विमल गुरुङ कृति पुरस्कार भुपिन र जुनुको कृतिलाई

सीमान्त समुदायको भाषा, साहित्य र पहिचान प्रवर्द्धन गर्न जुम्लामा साहित्य सम्मेलन