काठमाण्डौः प्रेमकथाको बहुचर्चित सिक्वेल फिल्म प्रेमगीत ३ आज शुक्रवारदेखि नेपाल र भारतसहित एक साथ विश्वका विभिन्न देशको १२ सय पर्दाबाट ऐतिहासिक रूपमा विश्वबजारमा रिलीज हुने भएको छ।
नेपाल र भारतसँगै अमेरिका, क्यानडा, मलेसिया, दक्षिण अफ्रिका, अस्टझेलिया, न्युजिल्यान्ड, दक्षिण कोरिया, फिजी, जापान, यूएई, बेलायत, सिंगापुरलगायतका देशका १२ सय पर्दाबाट रिलीज गर्न लागिएको फिल्मले नेपाल र भारतका हलमा असोचनिय रूपमा अग्रिम बुकिङ पाएको छ। फिल्मका निर्माता तथा निर्देशक सन्तोष सेनका अनुसार भारतका हलमा मात्र यो फिल्मले ९५ प्रतिशत अग्रिम बुकिङ पाएको छ। पाँच सयदेखि हजार स्क्रिन भएको भारतका सिनेमा घरमा ९५ प्रतिशन दर्शकको उपस्थित छ। हाम्रो देश नेपालमा त नहुने कुरै भएनु उनले भनेका छन्।
फिल्मको हिन्दी डब संस्करण विश्वभरका १२ सय पर्दाबाट एकसाथ रिलिज हुँदैछ भने नेपालका करिब डेढ सय पर्दाबाट रिलीज हुनेछ। फिल्मको रिलीजलाई लिएर भारतको अनलाईन पोर्टल बलिउड हंगामा डटकमले महङ्कवका साथ समाचार सम्प्रेशण गरेका छ। भारतमा मात्र पाँच सय पर्दाबाट फिल्म रिलिज हुने बलिउड हंगामाले जनाएको छ। भारतमा डेढ करोड (भारु) को ओपनिङ हुने उल्लेख गर्दै सो वेबसाइटले विश्वभर ओपनिङकलेक्सन साढे ५ करोड (भारु) ग्रस हुने जनाएको छ।