काठमाण्डौः फिफा विश्वकप कतार २०२२ अन्तर्गत समूह जी मा विहीबार स्विटजरल्यान्डले अफ्रिकी राष्ट्र क्यामरुनको सामना गर्दैछ । खेल दिउँसो ३:४५ बजे अल जनौब रंगशालामा हुनेछ ।
छनोटमा विश्वकपको पूर्व विजेता इटालीलाई पन्छाउँदै आएको स्विटजरल्यान्ड पुरानै लय कायम राख्ने सुरमा हुनेछ । स्विटजरल्यान्ड १२ औं पटक विश्वकप खेल्दैछ । सन् २००६ यता लगातार छनोट भएको टोलीले समूह चरणका पछिल्लो १२ मध्य २ खेल मात्र हारेको छ । पछिल्लो ४ समूह चरण खेलमा टोली अपराजित छ ।
क्यामरुन विश्वकप खेल्न लागेको यो आठौं अवसर हो । पछिल्लो संस्करणमा छनोट हुन नसकेको टोली विश्वकपमा खराब लयलाई टुंग्याउन चाहन्छ । क्यामरुनले विश्वकपमा पछिल्लो ७ खेल हारेको छ ।
यी दुई टोलीबीच अन्तर्राष्ट्रिय फुटबलमा पहिलो पटक भेट हुन लागेको हो । स्विस टोलीले पछिल्लो पाँच विश्वकपमा पहिलो खेल हारेको छैन । पछिल्लो ५ सहभागितामा ४ पटक टोलीले समूह चरण पार गरेको छ ।
क्यामरुन विश्वकपमा सर्वाधिक खेल खेल्ने टोली हो । हालसम्म ३७ खेल खेल्दा टोलीले १२ जित, ८ बराबरी र १७ हारको नतिजा निकालेको छ । यता स्विटजरल्यान्डले २३ खेलमा ४ जित, ७ बराबरी र १२ हार बेहोरेको छ ।
अन्तिम टोली :
स्वीट्जरल्यान्ड :
गोलरक्षक : यान सोमर, जोनास ओम्लिन, ग्रेगोर कोबेल, फिलिप कोह्न
डिफेन्डर : म्यानुएल अकान्जी, एरय कोमेर्ट, निको एल्भेडी, रिकार्डो रोड्रीग्वेज, फाबिएन सेर, सिल्भान विडमर
मिडफिल्डर : ग्रानिट झाका, एडिमिल्सन फर्नान्डेस, फाबियन फ्रेई, रेमो फ्रुलर, आर्डन जाशारी, फाबियन रिडर, जेर्डान शाकिरी, जिब्रिल सो, रेनाटो स्टेफेन, डेनिस जाकारिया, मिसेल एबिसर
फरवार्ड : ब्रिल एम्बोलो, क्रिस्टियन फासानाट, नोआ ओकाफोर, हारिस सेफेरोभिच, रुबेन भार्गास
क्यामरुन :
गोलरक्षक : डेविस एपासी, सिमोन गापानदुएत्न्बु, आन्द्रे ओनाना
डिफेन्डर : जान-चार्ल्सकास्टलेटो, एन्जो एबोसे, कोलिन्स फाइ, ओलिभिएर बाइजो, निकोलस एन्कुलु, तोलो नौहोउ, क्रिस्टोफर वुह
मिडफिल्डर : मार्टिन होंग्ला, पिएर कुन्डे, ओलिभिएर एन्चाम, गेल ओन्दुआ, स्यामुएल ओम गोए, आन्द्रे फ्रान्क जाम्बो एन्गिसा
फरवार्ड : भिन्सेन्ट अबुबकार, क्रिस्तियाँ बस्सोगोग, एरिक म्याक्सिम चुपो मोटीङ, सौअबियो मारोउ, ब्रायन एम्बुएमो, निकोलस ओउमी गामलेउ, जेरोम एन्गोम, जर्जेस केभिन एन्कुडु, जान-पिएर एन्सामे, कार्ल टोको एकाम्बी