शेयर गर्नुहोस:
फन्ट परिवर्तन गर्नुहोस:
अ
अ
अ
इलाम अस्पतालले पहिलो पटक थाइराइड परीक्षण गर्ने मेसिन सञ्चालन गर्ने भएको छ ।
अस्पतालले दश लाखमा थाइराइड परीक्षण गर्ने चाइनिज मेसिन खरिद गरेको र आगामी भदौ एक गतेबाट बिरामीको परीक्षण शुरु गर्ने भएको हो ।
अस्पतालका प्रमुख मेडिकल सुपरिटेण्डेण्ट डा. पवनजंग रायमाझीले उक्त मेसिन सञ्चालनमा आएपछि प्रोस्टेटको क्यान्सर पनि परीक्षण गर्न सकिने जानकारी दिए ।
यसबाट दुर्गम भेगका बिरामीलाई राहत पुग्ने विश्वास अस्पतालले लिएको छ ।
पाँच वर्ष अगाडि स्तरउन्नति भएको अस्पतालमा बहिरंग, इमरजेन्सी साथै एक्स रे , भिडियो एक्सरेलगायतका सेवा सञ्चालनमा रहेका छन् ।
अस्पतालमा १७ जना चिकित्सकको दरवन्दी भएपनि हाल एक जना मात्र दरवन्दी अनुसार कार्यरत रहेका छन् ।
