शेयर गर्नुहोस:
फन्ट परिवर्तन गर्नुहोस:
अ
अ
अ
महाराजगन्जस्थित त्रिवि शिक्षण अस्पताल परिसरमा रहेको मनमोहन कार्डियोथोरासिक भास्कुलर तथा ट्रान्सप्लान्ट सेन्टरको माथिल्लो तलामा सोमबार साँझ आगलागी भएको छ ।
माथिल्लो तलामा रहेको नर्सिङ प्रशासन प्रमुख विन्देश्वरी गुरुङको कार्यकक्षबाट आगलागी सुरु भएको बताइएको छ ।
आगलागीबाट सो तलामा रहेको प्रशासनकक्ष जलेर नस्ट भएको छ ।
अचानक आगलागी भएपछि सुरक्षागार्डलगायतले आगो नियन्त्रणको प्रयास गरेका थिए । पछि चारओटा दमकलको सहायतामा आगो नियन्त्रणमा लिइएको थियो ।
आगलागी भएपछि अस्पतालमा भागदौड मच्चिएको थियो । तर, मानवीय क्षति भने भएको छैन । आगोलागीको कारण खुलिसकेको छैन ।
