सदाबहार खबरको रफ्तार ....
चैत्र १६, २०८० शुक्रबार
March 29, 2024
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय

अन्तिम समयमा यसरी भ्रमण रोक्नु एक प्रकारको अपमान हो ।- परराष्ट्रमन्त्री, विमला राई पौड्याल (अन्तवार्ता)

२०७९ फागुण १५, सोमबार
शेयर गर्नुहोस:
फन्ट परिवर्तन गर्नुहोस:

जेनेभा यात्रामा निस्कनै लागेका बेला तपाईंको भ्रमण रोकियो, कसले रोक्यो ?

प्रधानमन्त्रीजीले रोक्नुभएको हो । करिब ३ बजे विमानस्थलका लागि निस्कने तयारीमा थिएँ । तर, उहाँले भ्रमणमा नजानू भन्ने सन्देश पठाउनुभयो । संसदीय प्रणालीमा प्रधानमन्त्रीले भनेपछि मान्नु परिहाल्यो ।

त्यसको जानकारी तपाईंलाई कसरी आयो ?

मलाई मुख्य सचिव (शंकरदास बैरागी) ले फोन गर्नुभयो । उहाँले प्रधानमन्त्रीले जेनेभा भ्रमणमा नजानु भन्नुभएको छ भन्ने जानकारी दिनुभयो ।

तपाईं व्यक्तिगत रूपमा जान लागेको त होइन, प्रधानमन्त्रीकै अध्यक्षतामा बसेको मन्त्रिपरिषद्ले भ्रमण अनुमोदन गरेको होइन र ?

हो, म प्रधानमन्त्रीले नै गरेको निर्णयका आधारमा जेनेभा जान लागेको थिएँ । यो भ्रमण रोक्नु अस्वाभाविक हो । अन्तिम समयमा यसरी रोक्नु यो एक प्रकारको अपमान हो ।

प्रधानमन्त्रीसँग कुरा गर्नुभयो ?

कुरा गर्न लगातार प्रयास गरें । प्रधानमन्त्रीजी गोरखा जानुभएको रहेछ । उहाँका स्वकीय सचिव (रमेश मल्ल) लाई पनि फोन गरें । उहाँले मलाई प्रधानमन्त्रीजीसँग कुरा गराउनुभएन । अहिले (आइतबार राति ९ बजे) सम्म पनि सम्पर्क भएको छैन ।

तपाईं जान लागेको कार्यक्रममा तपाईंको भूमिका के थियो ?

म संयुक्त राष्ट्रसंघ मानवअधिकार परिषद्को ५२ औं सत्रमा सहभागी हुन जान लागेको थिएँ । हरेक वर्ष हुने नियमित सत्र यस पटक फागुन १५ देखि चैत १३ सम्म चल्दै छ । नेपालले हालसम्म प्राप्त गरेका उपलब्धि र बनाएका योजनाबारे परिषद्को सत्रमार्फत विश्वलाई जानकारी गराउने योजना थियो ।

आन्तरिक राजनीतिक दाउपेचले मन्त्रीको भ्रमण अन्तिम घडीमा रोकिँदा अन्तर्राष्ट्रिय क्षेत्रमा कस्तो सन्देश जाला ?

यस्तो घटनाले अन्तर्राष्ट्रिय क्षेत्रमा नेपालबारे गलत सन्देश जान्छ । त्यसमा पनि मानवअधिकारको क्षेत्रमा झन् गलत सन्देश जाने देखिन्छ । नेपाल अहिले मानवअधिकार परिषद्को सदस्य मुलुक हो । सदस्यका रूपमा नेपालको यो अन्तिम वर्ष पनि हो । यसमा त्यहाँ हुने नेपालको प्रस्तुतिले अन्तर्राष्ट्रिय क्षेत्रमा धेरै प्रभाव पार्छ । यस्तो नहुनुपर्ने थियो ।

अब जेनेभामा नेपाली टोलीको नेतृत्व कसले गर्छ ?

प्रधानमन्त्रीज्यूले यसअघि नै ५ सदस्यीय टोलीमा विज्ञका रूपमा गोविन्द बन्दी (पूर्वकानुनमन्त्री) लाई सामेल गराउनुभएको थियो । उहाँ टोलीको नेतृत्व गरेर जानुभयो ।

नेपाली टोलीले जेनेभामा के बोल्छ भन्ने त तपाईंलाई पनि थाहा होला किनकि आजको दिनसम्म त तपाईं परराष्ट्रमन्त्री हो नि ?

नेपालले जेनेभामा मानवअधिकारको विषयमा आफ्नो धारणा राख्नुपर्नेछ । हामीले यसलाई लिएर तयारी पनि गरेका थियौं । त्यहाँ के बोल्ने र कसरी प्रस्तुत हुने विषयमा राम्ररी तयारी भएको थियो । उक्त फोरममा कार्यकारी तहबाटै नेतृत्व गरेर उपस्थिति जनाउनुपर्ने थियो । किनकि नेपाललाई ‘ए’ बाट ‘बी’ मा झार्ने भन्ने हल्ला पनि आइरहेका छन् । यस्तो अवस्थामा कार्यकारीस्तरबाट सहभागिता जनाएर नेपालको बलियो उपस्थिति हुनुपर्ने थियो । परराष्ट्रमन्त्रीको नेतृत्वमा सहभागिता जनाउँदा यसको सन्देश अन्तर्राष्ट्रिय समुदायमा अर्कै जान्थ्यो ।

आफ्नै प्रधानमन्त्रीले विश्वास गर्नुहुन्न भने तपाईं अब परराष्ट्रमन्त्री बनिरहन मिल्ला र ? उहाँ मातहत काम गरिरहन मिल्ला र ?

यो दल (एमाले) को निर्णय हो । दलका नेताहरूसँग म निरन्तर सम्पर्कमा थिएँ । हामी (फागुन) २५ गतेसम्म सरकारमा बस्ने भन्ने छ । त्यहीअनुसार हामीले काम गरिरहेका थियौं । दलका नेताहरूले त अझै पनि जानु भन्नुभएको थियो । तर, प्रधानमन्त्रीज्यूले नै नजाऊ भनेपछि संसदीय पद्धतिमा ठीक हुन्न भनेर बसें ।

प्रधानमन्त्रीको यो कदमको विषयमा आफ्नो दलका नेताहरूसँग के कुरा भयो ?

यस विषयमा मैले बालकोटमा खबर गरिसकेको छु । उहाँहरूले भोलि केही प्रतिक्रिया दिनुहुन्छ होला । -कान्तिपुर

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

संविधान संशोधन हुनुपर्छ भन्ने हाम्रो पहिलेदेखिको मागमा दृढ छौँ : लोसपा वरिष्ठ उपाध्यक्ष, जितेन्द्र सोनल (अन्तवार्ता)

काँग्रेसले हिन्दु राष्ट्रमै जाऔं भन्ने गरिरहँदा हामीले त्यसलाई गम्भीर रूपमा लिएकै हौं : माओवादी उपमहासचिव, वर्षमान पुन (अन्तवार्ता)

नेतृत्वप्रति नै अविश्वसनियता बढेकोले चौध महिनामा तीन पटक सरकार परिवर्तन भए : काँग्रेस नेता, रमेश लेखक (अन्तवार्ता)

आधारभूत प्रश्नबाट कांग्रेस पछि हटेपछि विश्वासको सङ्कट पैदा भयो : प्रवक्ता, अग्नी सापकोटा (अन्तर्वार्ता)

अर्थतन्त्र केही दबाब वा चापमा छ, गतिमा मन्दी आए पनि संकटमै छैन : अर्थमन्त्री, वर्षमान पुन (अन्तवार्ता)

हामी राजनीतिक रूपमा दुवै छिमेकीसँग समनिकटताको सम्बन्ध राख्छौँ : परराष्ट्रमन्त्री, नारायणकाजी श्रेष्ठ (अन्तवार्ता)

जनतालाई डेलिभरी दिनुपर्छ भन्ने आत्मविश्वासका साथ सत्ता समीकरणमा साझेदार भएका हौं : विनाविभागीय मन्त्री, डीपी अर्याल (अन्तवार्ता)

कांग्रेसका कारण गठबन्धन टुटेको होइन, प्रधानमन्त्रीकै कारण टुटेको हो : एनपी साउद, (अन्तवार्ता)

राष्ट्रिय सभाको गरिमा बढाउन र स्तर वृद्धि गर्नका लागि त्यही खालका प्रतिनिधि सदनमा जानुपर्छ : राष्ट्रियसभा अध्यक्ष, गणेश प्रसाद तिमिल्सिना (अन्तवार्ता)

वडादेखि केन्द्रसम्म अधिवेशन गरेर सबै ठाउँमा नेतृत्व चयन गरौं : लोसपा नेता, सर्वेन्द्रनाथ शुक्ल (अन्तवार्ता)

सर्वोच्चमा नियक्ति हुने न्यायाधीशको हकमा पनि केही प्रावधान राखौं : डा. श्रीकृष्ण भट्टराई, पूर्व न्यायाधीश (अन्तवार्ता)

संविधान र कानुनले नचिनेको यो व्यवस्थामा पुनरवलोकन गर्नुपर्ने देखिन्छ : प्रमुख निर्वाचन अधिकृत, दिनेश थपलिया (अन्तवार्ता)