सदाबहार खबरको रफ्तार ....
जेठ ३१, २०८१ बिहिबार
June 13, 2024
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय

सुर्यविनायक नगरपालिकाको नयाँ योजना : तपाईकै नामको बिरुवा

२०७६ भाद्र ४, बुधबार
शेयर गर्नुहोस:
फन्ट परिवर्तन गर्नुहोस:

सडक छेउमा तपाईंको आफ्नै नाममा कुनै एउटा बिरुवा होस् भन्ने चाहानुहुन्छ ! सूर्यविनायक नगरपालिका पुग्नुहोस्, तपाईंको इच्छा पूरा हुनसक्छ ।

नगरपालिकाले अबदेखि सडक छेउमा रोपिने बिरुवा तपाईंकै नाममा राख्नसक्ने नीति पारित गरेको छ । बिरुवा रोपिने तर हुर्काउने जिम्मा कसैले नलिने भएपछि नगरपालिकाले बिरुवाको संरक्षण गर्न यस्तो उपाय अपनाएको हो । आफ्नो नाममा बिरुवा रोपेपछि हुर्काउने र संरक्षण गर्ने दायित्व भने तपाईंकै हुनेछ । हरियाली प्रवद्र्धन गरी नगरको सौन्दर्यमा वृद्धि, पर्यावरणको संवद्र्धनका लागि सूर्यविनायक नगरपालिकाले नगरसभाबाट यस्तो नीति पारित गरेको हो ।

नगरक्षेत्रको सौन्दर्य बढाउन नगरपालिकाले घरको नक्सा पास गर्दा चारवटा बिरुवा रोप्ने प्रतिबद्धता जनाउनुपर्ने नीति पनि अघिसारेको छ । दुई वर्षे योजनासहित सुरु भएको यस अभियानका लागि अनुमानित ५० लाख रुपियाँ आवश्यक पर्ने छ । यस वर्ष पहिलो चरणमा कौशलटार, बालकोट, सिरुटार र बिरुवासम्म जनसहभागितामा सडकको दायाँबायाँ तीन फिट अग्ला बिरुवा रोपिने भएको छ ।

केही दिनअघि सञ्चार तथा सूचना प्रविधिमन्त्री गोकुलप्रसाद बाँस्कोटाले त्यस क्षेत्रमा वृक्षरोपणको सुरुवात गर्नुभएपछि हाल सार्वसाधारणबाट पनि बिरुवा रोप्ने र हुर्काउने जिम्मा लिने क्रम बढेको छ । सूर्यविनायक नगरपालिका वडा–२ का अध्यक्ष कमलनाथ आचार्यको संयोजकत्वमा हरियाली सडक प्रवद्र्धन अभियान’मा जनसहभागितामा वृक्षरोपण कार्यक्रम अगाडि बढाइएको हो । एक सातामै अभियानका लागि पाँच सय व्यक्तिले वृक्षरोपण अभियानका लागि ऐक्यबद्धता जनाएको प्रदेश–३ का सभासद शशीजङ्ग थापाले जानकारी दिनुभयो । (गोरखापत्र)

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

टेरामक्स प्रकरणः अनुसन्धान पूरा भएर पनि अख्तियारबाट भ्रष्टाचार मुद्दा दर्ता किन रोकियो ?

राजस्व संकलन नाजुक, हरेक महिना १० प्रतिशतभन्दा कम

निलम्बित न्यायाधीश गिरीलाई सात वर्ष कैद

बिराटनगरमा विपद व्यवस्थापनसम्बन्धी डेमो प्रदर्शन

राष्ट्रिय वाणिज्य बैङ्कबाट स्टार्टअप उद्यम कर्जा

सेन्चुरी बैङ्कका तत्कालीन अध्यक्षसहित आठ जना पक्राउ

नेपाली ठग्न ‘हाइपर फन्ड’ को जालो

प्रतिनिधि सभा बैठक पुस्तिका नआउँदा रोकियो छलफल

मानिस मात्र होइन जनावरका लागि पनि धराप

आरोप–प्रत्यारोपमा उत्रिए नेपाल र खनाल

राजदूतमा राजनीति, नाजुक कूटनीति

राष्ट्रिय परिचयपत्र थप सेवासँग जोडिने