शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौः हिन्दु राष्ट्र र संवैधानिक राजसंस्थाको पुनर्स्थापनाको एजेन्डा बोकेको राप्रपाको शीर्ष नेतृत्व पूर्वराजा ज्ञानेन्द्र शाहलाई भेट्न झापा पुगेको छ ।
राप्रपा नेतृत्व र पूर्वराजा शाहबीच बुधबार दमकमा भेटवार्ता भएको थियो । सो भेटमा के कुरा भयो भन्ने खुलेको छैन ।पूर्वराजासँगको भेटमा राप्रपा अध्यक्ष राजेन्द्र लिङ्देन, वरिष्ठ उपाध्यक्ष रवीन्द्र मिश्र, वरिष्ठ नेता प्रकाशचन्द्र लोहनी र महामन्त्री धवलशमशेर राणा सहभागी थिए ।
पूर्वराजालाई भेट्न राप्रपाका नेताहरू मंगलबार झापा पुगेका थिए । शाह केही समयदेखि दमकमै छन् । पूर्वराजाले राजनीतिक सक्रियता बढाउन खोजिरहेका बेला राप्रपा नेताहरूसँग भएको सामूहिक भेटलाई अर्थपूर्ण रूपमा हेरिएको छ ।
