काठमाण्डौः नेपाली कथानक चलचित्र ‘काँडेतार’को शीर्ष गीत सार्वजनिक गरिएको छ ।
सार्वजनिक गरिएको गीतले देशको सीमाना रक्षाका लागि आह्वान गर्छ । गीतमा सत्यकला राई, राजेशपायल राई र जे पापीको स्वर रहेको छ । मिलन कान्छा किराँतीको शब्द रचना रहेको गीतमा संगीत मणि थापाले भरेका छन् । गीतको भिडियोमा नवल खड्का, गौरव पहारी, सुरबिना कार्की, रेविका गुरुङलगायत कलाकारको अभिनय रहेको छ ।
एक इन्च जमीन मिचिदा आपसमा लड्ने दाजुभाइ र छिमेकी देशको सीमा मिचिदा भने चुप बस्ने आम प्रवृत्तिलाई गीतले व्यंग्य गरेको छ । देशको रक्षाका लागि आम नेपाली घरघरबाट उठ्न प्रेरित गर्ने गीतले राष्ट्र र राष्ट्रियताको महत्त्व र आश्यकता दर्शासाउँछ ।
नवल खड्काले निर्देशन गरेको चलचित्र ‘काँडेतार’ देशको सीमा रक्षाका लागि आवाज उठाउने सिनेमा हो । नवल राष्ट्रवादी सिनेमा बनाउने निर्देशक, निर्माता तथा कलाकार हुन् ।