काठमाण्डौः गर्मीको मौसम शुरु भएसँगै घामको खराब किरणहरुबाट छालालाई जोगाउनका लागि सनस्क्रीनको प्रयोग धेरै गर्नुपर्ने हुन्छ ।
तर सनस्क्रीन लगाउने बेलामा गरिने सानो सानो गल्तीले यसको छालामा कुनै असर नहुन पनि सक्छ । जसले गर्दा घामले छालालाई जोगाउनुको सट्टा झनै डढाउने समस्या पनि निम्तिन सक्छ । जानौं यसबारे विस्तारमा
कम मात्रा लगाउनु
प्रायः मानिसहरु शरीरमा कम मात्रामा सनस्क्रीन लगाउने गर्दछन् । तर शरीरको उक्त भागमा राम्रो मात्रामा सनस्क्रीन लगाउनु पर्दछ जो भागमा सूर्यको सिधा किरण पर्दछ ।
बादल वा पानी पर्दा नलगाउने
कतिपय व्यक्तिले बादल लागेको बेला वा पानी परिरहेको बेला सनस्क्रीन लगाउँदैनन् । यसो गर्दा पनि दिनको समयमा घामका खराब किरणहरु तपाईंको शरीरमा आउने गर्दछन् । त्यसैले जस्तोसुकै दिन पर्दा पनि सनस्क्रीन लगाउनु अनिवार्य हुन्छ ।
एसपीएफ हेर्ने
कतिपय व्यक्तिले सनस्क्रीन लगाउने तर आफ्नो छालाअनुसार सनस्क्रीनको एसपीएफलाई ध्यान दिँदैनन् । तर सही एसपीएफ भएन भने छालामा राम्रो असर गर्दैन जसले गर्दा छाला ट्यानिंग हुन सक्छ ।
सही तरिकाले नलगाउनु
कतिपयले सनस्क्रीन सही तरिकाले मसाज नगरी लगाउँदछन् । जसले गर्दा यसको सही असर छालामा देखिँदैन । सनस्क्रीन लगाउनु अघि सधै मोइस्चराइजर लगाउनु पर्दछ ।
घाममा निस्कनुभन्दा कम्तीमा १५ मिनेट अगाडि सनस्क्रीन लगाउनु पर्दछ । एजेन्सी
