सदाबहार खबरको रफ्तार ....
असार ५, २०८१ बुधबार
June 19, 2024
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय

कर्णाली प्राविधिक शिक्षालयको भवन जीर्ण

२०८० जेठ ११, बिहिबार
शेयर गर्नुहोस:
फन्ट परिवर्तन गर्नुहोस:

काठमाण्डौः जुम्लास्थित कर्णाली प्राविधिक शिक्षालयको भवन लामो समयदेखि मर्मत सम्भार हुन नसक्दा जीर्ण बनेको छ ।

करिब आधा शताब्दी अघि निर्मित भौतिक संरचना जीर्ण बन्दै गएपछि यहाँका शिक्षक तथा विद्यार्थी जोखिममा छन् ।

प्राविधिक जनशक्ति उत्पादनको ‘हब’ मानिँदै आएको उक्त शिक्षालयको भौतिक संरचना विद्यार्थी सङ्ख्या अनुसार भरपर्दो छैनन् भने निर्माण भएको पनि धेरै वर्ष भएका छन् । विसं २०३७ मा युनाइटेड मिसन टु नेपाल र नेपाल सरकारको साझेदारीमा निर्मित उक्त भवन बनेको ४४ वर्ष पुगेको छ ।

शिक्षालयको शैक्षिक तथा भौतिक संरचनासम्बन्धी आज वीरेन्द्रनगर सुर्खेतमा आयोजित अन्तरक्रिया कार्यक्रममा शिक्षालय प्रमुख टेकेन्द्र थापाले शिक्षालयको वस्तुगत अवस्थाबारे जानकारी दिए । उनले स्थापना भएको ४४ वर्षसम्म मुलुकलाई करिब सात हजार प्राविधिक जनशक्ति दिएको शिक्षालयले कृषि, वन, निर्माण तथा स्वास्थ्य सङ्कायमा अध्ययन अध्यापन गरिरहेको जानकारी दिए ।

नर्सिङ पठनपाठनका लागि आफ्नै अस्पताल हुनुपर्ने शिक्षा नीतिमा उल्लेख भएकाले शिक्षालयमा नर्सिङ पठनपाठन हुन नसकेको प्रमुख थापाको गुनासो थियो । उनका अनुसार शिक्षालयको छ सय ५१ रोपनी जमिनमा ५८ भवन छन् । तीमध्ये छ वटा निर्माण भएका छन् भने बाँकी ५२ भवन अझै जीर्ण अवस्थामा छन् ।

“प्राविधिक लागत अनुमान अनुसार आवासीय तथा शैक्षिक भवन निर्माणका लागि करिब रू १५ करोड लाग्छ । आगामी आर्थिक वर्ष २०८०-८१ का लागि रू पाँच करोड बजेट प्रस्ताव गरिएको छ”, शिक्षालय प्रमुख थापाले भन ।

कार्यक्रममा कर्णाली प्रदेश सरकारका आर्थिक मामिला तथा योजनामन्त्री वेदराज सिंहले प्राविधिक जनशक्ति उत्पादनको केन्द्र कर्णाली प्राविधिक शिक्षालयको शैक्षिक तथा भौतिक संरचना निर्माणमा प्राथमिकताका साथ सहयोग गर्ने बताए । उनले भन, “सरकारले शिक्षा क्षेत्रमा जोड दिँदै आएको छ । प्राविधिक जनशक्ति उत्पादनमा सहयोग पुर्‍याउनका लागि शिक्षालयको विकासमा सरकारको विशेष जोड हुन्छ ।”

सामाजिक विकासमन्त्री खड्गबहादुर पोखरेलले शिक्षालयको शैक्षिक विकास तथा भौतिक संरचना मर्मतमा प्रदेश सरकारको आवश्यक सहयोग रहने बताए । उनले दूरदराजमा स्थापित शिक्षालयलाई प्राविधिक जनशक्ति उत्पादनको केन्द्रका रुपमा रुपान्तरण गरी स्वरोजगार बढाउनेतर्फ जोड दिए । अन्तरक्रिया कार्यक्रममा सहभागी कर्णाली प्रदेशसभा सदस्य देवेन्द्रबहादुर शाही, विन्दमान विष्ट, दुर्गबहादुर रावत, कलबहादुर हमाल, जीतबहादुर मल्ल, नेपाल पत्रकार महासङ्घ कर्णाली प्रदेश समिति अध्यक्ष देवीराम देवकोटालगायतले उच्च जोखिममा रहेको शिक्षालयसहित कर्णालीमा निर्माण हुने संरचना भूकम्प प्रतिरोधात्मक निर्माण हुनुपर्नेमा जोड दिए । ईडियुपत्र

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

विपन्नलाई पढाउन पाल्पाका तीन विद्यालयमा अक्षयकोष स्थापना

उपसचिवको लिखित परीक्षाको नतिजा सार्वजनिक

दलको सदस्यता त्याग्दै शिक्षक

शिक्षामा दलीय राजनीति रोक्ने निर्णयबाट पछि हट्दिनँ: मन्त्री श्रेष्ठ

८२५ शिक्षकले राजनीतिक दलको सदस्‍यता त्याग गरेको शिक्षामन्त्रीको दाबी

ट्रक चालक हत्यामा शिक्षिकासहित विद्यार्थी पक्राउ

सामुदायिक विद्यालयको शिक्षामा फड्को मार्न सक्रिय ‘हेड सर’ मोहन भण्डारी

कृषि विश्वविद्यालयका एक हजारभन्दा बढी विद्यार्थी दीक्षित

देशभित्र भविष्य देख्ने वातावरण बनाउन गुणस्तरीय शिक्षामा जोड दिऔँ- प्रधानमन्त्री

सुप विश्वविद्यालय स्थापनाका डेढ दशक : प्राविधिक शिक्षामा जोड

बारामा क्याम्पस प्रमुखको हत्या भएको विरोधमा आज देशभरका सामुदायिक क्याम्पस बन्द

रोहिणी १ को उत्कृष्ट विद्यार्थीहरु पुस्स्कृत