काठमाण्डौः राप्रपा (संयुक्त) को उच्चस्तरीय कार्यसम्पादन समितिको बैठकले केन्द्रीय समितिको बैठकलाई थप प्रभावकारी बनाउन सचिवालयलाई निर्देशन दिने निर्णय गरेको छ ।
पशुपतिशमशेर जवराको अध्यक्षतामा मंगलबार पार्टी केन्द्रिय कार्यालय चाबहिलमा बसेको उच्चस्तरीय कार्यसम्पादन समितिको बैठकमा अध्यक्ष डा. प्रकाश चन्द्र लोहनीद्वारा पेश भएको राजनैतिक कार्यपत्र सुझाव सहित अनुमोदन गरेको छ ।
डा. लोहनीले पेश गरेको राजनैतिक कार्यपत्रमा पार्टीको संगठनिक गतिविधि, पार्टीले तिहार लगत्तै गर्न लागेको धार्मिक यात्रा, भावी आन्दोलन एबं अभियानलाई पार्टीले गर्न लागेको धार्मिक यात्रा, आन्दोलन एबं अभियानलाई उच्च मनोबलका साथ अगाडि बढाउने लगायतका महत्वपूर्ण निर्णय गरिएको सो पार्टीका प्रवक्ता किरन गिरिले बताएका छन् ।
दुई राप्रपा बीचको एकतालाई सकारात्मक रुपमा लिइ नियमित बैठकहरू जारी राख्ने गरि टुंगिएको र भाद्र १९ र २० गते हुनगइरहेको केन्द्रीय समिति तथा कार्य सम्पादन समितिको बैठकलाई थप प्रभावकारी बनाउन सचिवालय लाई निर्देशन गरिएको समेत प्रवक्ता गिरिले बताएका छन् ।
