काठमाण्डौः कागेश्वरी मनोहरा नगरपालिका काठमाण्डौंले कागेअष्टमीको अवसरमा शुक्रबार सार्वजनिक बिदाको घोषणा गरेको छ ।
कागेश्वरी मनोहरा नगरपालिकाका मेयर कृष्णहरी थापा र वडा नम्बर १ का वडाअध्यक्ष मुकुन्द गुजुरेलले संयुक्त प्रेश विज्ञप्ती जारी गरी उक्त दिन नगरपालिका भित्र सार्वजनिक विदाको घोषणा गरेको हो ।
सदाझै यसपाली पनि कागेश्वरी मनोहरा नगरपालिकाको वडा नम्बर १ स्थित कागेश्वरी गागलफेदीमा अवस्थित महादेव मन्दिरमा कागेअष्टमी (भाद्र शुल्क अष्टमी) मा मेला लाग्ने गर्छ ।
अष्टमी देखि ३ दिनसम्म लाग्ने उक्त मेलाको सम्पूर्ण तयारी पुरा भएको नगरपालिकाको विज्ञप्तीमा उल्लेख गरिएको छ । महामेलाको पहिलो दिन कवि गोष्ठी तथा साहित्यिक कार्यक्रम सञ्चालन, दोस्रो दिन कागेअष्टमिको अवशरमा महामेलाको उद्घाटन् र अन्तिम दिन मन्दिर एरियामा सरसफाइ गरिने आयोजकले जनाएको छ ।
