शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौः बहुविवाह मुद्दामा कैद सजाय पाएका सत्तारूढ नेकपाका प्रदेशसभाका सांसद दिलीपकुमार साहलाई निलम्बन गरिने भएको छ ।
सिराह जिल्ला अदालतबाट चार वर्षअघि सुनाइएको फैसलालाई नै उच्च अदालतले समेत सदर गरेपछि प्रदेशसभाले उनलाई निलम्बन गर्ने तयारी गरेको हो ।
तत्कालिन नेकपा (माओबादी केन्द्र)को तर्फबाट सिरहा क्षेत्र नं ४ (क) प्रदेशसभा सदस्यमा बिजयी भएका शाहलाइ उच्च अदालत जनकपुरले पुरानै फैसला सदर गरेको सुनाइदिएपछि उनलाई निलम्बन गर्न प्रदेशसभाले प्रक्रिया समेत सुरु गरेको छ ।
सांसद शाहलाइ धनुषा जिल्ला अदालतले २०७२ जेठ १३ गते एक वर्ष कैद र पाँच हजार रुपैयाँ जरिवाना गर्ने फैसला गरेको थियो ।
सिरहाको मिर्चैया रामनगर बस्ने संगीता यादवको जाहेरीको आधारमा सांसद साहलाई बहुविवाह मुद्दामा कैद र जरिवाना सजाय तोकिएको थियो ।
