काठमाण्डौः देशभरका ६१ जिल्लाहरूमा डेंगुको संक्रमण फैलिएको छ । डेंगुका कारण श्रावण १ गते देखी यता मात्रै छ जनाको मृत्यु भइसकेको छ भने तीन हजार आठ सय उनान्सय जना संक्रमित भएका छन् ।
गत वैशाखदेखि हालसम्मको तथ्याङ्क हेर्ने हो भने डेंगु रोगबाट करिब सात हजारभन्दा बढी संक्रमित भइसकेको स्वास्थ्य मन्त्रालयले जनाएको छ ।
डेंगु रोग नियन्त्रणको महत्वपूर्ण जिम्मेवारी पाएको स्वास्थ्य तथा जनसंख्या मन्त्रालय भने डेंगुका कारण मृत्यु भएकाको र बिरामीको तथ्यांक संकलन मात्र गरेर बसिरहेको छ ।
चालु आर्थिक वर्षको एक महिनामा नै डेंगु देशका ५६ जिल्लामा विभिन्न क्षेत्रहरूमा देखिएको छ भने झण्डै ४ हजार जना संक्रमित भइसकेका छन् ।
५६ वटा जिल्लामा डेंगुको संक्रमण फैलिसक्दा पनि मन्त्रालय यसको नियन्त्रणमा लाग्न सकेको छैन।
स्वास्थ्य मन्त्रालय अन्तर्गतको इपिडिमियोलोजी तथा रोग नियन्त्रण महाशाखाले डेंगु नियन्त्रणका लागि ठोस कदम चाल्न नसक्दा अनाहकमा मानिसको मृत्यु हुने क्रम रोकिएको छैन ।
डेंगुको संक्रमणका बिरामी कुन जिल्लामा कति ?
