सदाबहार खबरको रफ्तार ....
श्रावण ६, २०८१ आइतबार
July 21, 2024
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय

विश्वकपअघि अस्ट्रेलियालाई हराएपछि दक्षिण अफ्रिकाको मनोबल उच्च

२०८० असोज १, सोमबार
शेयर गर्नुहोस:
फन्ट परिवर्तन गर्नुहोस:

काठमाण्डौः बलियो अस्ट्रेलियाविरुद्धको एकदिवसीय अन्तर्राष्ट्रिय क्रिकेट शृङ्खला घरेलु टोली दक्षिण अफ्रिकाले जितेको छ ।

आईसीसी एकदिवसीय विश्वकपको सङ्घारमा सर्वाधिक पाँच पटकको विश्वकप विजेता अस्ट्रेलियाविरुद्ध हात पारेको यो सफलताले दक्षिण अफ्रिकाको मनोबल पनि उच्च बनाएको छ ।

दक्षिण अफ्रिकाले सोमबार जोहानेशबर्गमा सम्पन्न पाँचौँ तथा अन्तिम खेलमा अस्ट्रेलियालाई एक सय २२ रनको फराकिलो अन्तरले हरायो । उक्त जितसँगै दक्षिण अफ्रिकाले पाँच खेलको शृङ्खलालाई ३—२ ले आफ्नो पक्षमा पारेको हो ।

टस हारी पहिलो ब्याटिङको निम्तो पाएको दक्षिण अफ्रिकाले निर्धारित ओभरमा नौ विकेट गुमाएर तीन सय १५ रन बनाएको थियो । जवाफी ब्याटिङमा ओर्लिएको भ्रमणकारी टोली अस्ट्रेलियाले भने ३४.१ ओभरमै अलआउट हुनुअघि एक सय ९३ रनमात्र बनाउन सक्यो ।

पहिले ब्याटिङ गरेको दक्षिण अफ्रिकाका लागि एइडेन मारक्रमले ९३ रनको योगदान गरे । उनले ८७ बलको सामना गरी तीन छक्का र नौ चौका पनि हिर्काए । अनुभवी खेलाडी डेभिड मिल्लरले पनि ६३ रनको योगदान गरे । उनले ६५ बलमा तीन छक्का र चार चौका हिर्काए ।

मार्को जानसेनले ४७ रन जोडे । आक्रामक रुपमा प्रस्तुत भएका उनले केवल २३ बलको सामना गरी तीन छक्का र चार चौका हिर्काए । एन्डिल फेहलुकवायोले अविजित ३८ रन बटुले । उनले १९ बलको सामना गरी चार छक्का र दुई चौका प्रहार गरे ।

त्यसअघि ओपनर ब्याट्सम्यान क्विन्टन डी ककले २७ र तेस्रो नम्बरका ब्याट्सम्यान रासी भान डेर डुसेनले ३० रन बनाएका थिए । कप्तान टेम्बा बाभुमा भने शून्य रनमै पेभेलियन फर्किएका थिए । अस्ट्रेलियन बलर एडम जाम्पाले तीन र सिन एबोटले दुई विकेट लिएका थिए ।

जवाफी ब्याटिङमा ओर्लिएको अस्ट्रेलियाका लागि ओपनर मिचेल मार्सले ७१ रन बनाए पनि टोलीको जितका लागि त्यो पर्याप्त हुन सकेन । कप्तान मार्सले केवल ५६ बलको सामना गरी ६ छक्का र ६ चौका पनि हिर्काएका थिए ।

मार्नस लाबुसचाग्नेले ४४ रन बनाए । अस्ट्रेलियाका अन्य ब्याट्सम्यान खासै प्रभावकारी देखिएनन् । दक्षिण अफ्रिकाका बलर मार्को जानसेनले पाँच विकेट लिए । उनले आठ ओभरमा एक मेडन राख्दै ३९ रन खर्चिएका थिए ।

केशव महाराजले पनि चार विकेट हात पारे । उनले ९.१ ओभरमा दुई मेडन राख्दै ३३ रन खर्चिएका थिए । फाइनल खेलमा मार्को जानसेन म्यान अफ दी म्याच घोषित भए । दक्षिण अफ्रिकाकै आइडेन मारक्रम म्यान अफ दी सिरिज घोषित भए ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

महिला एशिया कप: आज नेपालले पाकिस्तानको सामना गर्दै

काभा यू–२० महिला भलिबल च्याम्पियनसिपमा नेपालको पहिलो जित

पाकिस्तानी बोर्डले बाबरसहित तीन खेलाडीलाई फ्रेन्चाईजी क्रिकेट खेल्न रोक्यो

फिल्म निर्माणमा ‘सक्किगोनि’ टिम, ‘लाज शरणम्’ को घोषणा

नेपालले आज युएईसँग खेल्दै

काभा यु-२० महिला भलिबल: नेपाल श्रीलंकासँग पराजित

भदौ ३ गतेदेखि ताप्लेजुङ गोल्डकप

ग्रीनवूड मार्सेलीमा अनुबन्ध

मेसी र स्वरेज बिना इन्टर मियामी विजयी

भदौमा महिला लिग खेलाउने तयारी गर्दै एन्फा

नेपालसहित ६ देशले जिते आइसीसी डेभलपमेन्ट अवार्ड

रियल म्याड्रिडका ८० हजारभन्दा बढी फ्यानले गरे एम्बाप्पेको स्वागत