शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौः सन् २०२६ को विश्वकप र २०२५ को एसियन कपको दोस्रा चरणको छनोटमा जापानले सानदार जित निकालेको छ ।
आज भएको समूह बीको खेलमा जापानले म्यानमारलाई ५–० गोल अन्तरले पराजित गरेको हो । जितसँगै जापानले समूह बीमा स्पष्ट ३ अंक लिएको छ ।
जापानको जितमा आयास उएडाले ह्याट्रिक गर्दा रिटुस डोन र डिएची कामदाले एक एक गोल थपेका थिए । ११ औं मिनेटमा उएडाले गोल गर्दै जापानलाई सुरुमै अग्रता दिलाए । २८ औं मिनेटमा कामदाले गोल गरेपछि जापानले अग्रता दोब्बर बनायो ।
पहिलो हाफको अतिरिक्त चौथो मिनेटमा उएडाले व्यक्तिगत दोस्रो तथा टिमका लागि तेस्रो गोल गरे । ५० औं मिनेटमा उएडाले ह्याट्रिक पूरा गर्दा जापान ४–० ले अघि बढेको थियो ।
८६ औं मिनेटमा डोनले गोल गरेपछि जापानले ५–०को सहज र शानदार जित निकाल्न सफल भयो ।
