सदाबहार खबरको रफ्तार ....
असार १, २०८१ शुक्रबार
June 14, 2024
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय

दक्षिण एसियाली कराँते च्याम्पियनसिप मंसिरको तेस्रो सातादेखि

२०८० मंग्सिर २, शनिबार
शेयर गर्नुहोस:
फन्ट परिवर्तन गर्नुहोस:

काठमाण्डाैंः सातौँ दक्षिण एसियाली कराँते च्याम्पियनसिप आउँदाे मंसिरको तेस्रो हप्तादेखि शुरु हुने भएको छ ।

नेपाल कराँते महासङ्घको आयोजनामा आउँदाे मंसिर १६ गतेदेखि ६ राष्ट्रले प्रतिस्पर्धा  गर्ने दक्षिण एसिया कराँते च्याम्पियनसिप हुन लागेको हो । यस किसिमको च्याम्पियनसिप २५ वर्षपछि आयोजना गर्न लागेकाले यो आयोजनाले नेपाली कराँतेको गरिमा अझ बढाउने आयोजकको विश्वास छ ।

महासङ्घले शुक्रवार पत्रकार सम्मेलन आयोजना गर्दै च्याम्पियनसिपबारे जानकारी दिएको हो । नेपालसहित बङ्लादेश, भुटान, भारत, पाकिस्तान र श्रीलङ्काले दुईदिने च्याम्पियनसिपमा प्रतिस्पर्धा गर्ने महासङ्घका अध्यक्ष युवराज लामाले जानकारी दिनुभयो ।

प्रतिबन्धमा रहेकाले श्रीलङ्काको भने एनओसी टिम सहभागी हुने जनाइएको छ । च्याम्पियनसिपमा क्याडेट, जुनियर, यू–२१ र सिनियरमा गरी चार विधामा कुल तीन सय ५३ खेलाडीले प्रतिस्पर्धा गर्नेछन् । महासङ्घका महासचिव दावा गुरुङले कुल ६२ स्वर्णका लागि प्रतिस्पर्धा हुने जानकारी दिनुभयो । यस क्रममा क्याडेटमा १२, जुनियरमा १५, यू–२१ मा १६ र सिनियरमा १९ स्पर्धामा खेल हुनेछ । नेपालबाट भने ६८ खेलाडीले सबै स्पर्धामा प्रस्तुति दिने भएका छन् ।

नेपाली खेलाडीको प्रशिक्षणका लागि ६ प्रशिक्षक र दुई व्यवस्थापकको व्यवस्था गरिएको छ । गोकर्णेश्वरमा रहेकाे शङ्खडोल कराँते एकेडेमीमा कुमुते टोली र बौद्ध डोजामा काता टोलीले तयारी गरिरहेका छन् ।

महासङ्घका अध्यक्ष लामाले प्राविधिक रूपमा यो प्रतियोगिता आयोजना गर्नुपर्ने बङ्लादेशले प्रस्ताव नै नगरेकाले नेपालले आयोजनाका लागि प्रस्ताव गरेकोमा एसियाली कराँते महासङ्घ(एकेएफ) ले स्वीकृति दिएको जानकारी दिनुभयो । एकेएफ र राखेपबाट स्वीकृति पाएको प्रतियोगितालाई विश्व कराँते महासङ्घ (डब्लूकेएफ) र नेपाल ओलम्पिक कमिटीले पनि मान्यता दिएको कराँते महासङ्घले जनाएको छ ।

च्याम्पियनसिपका खेलहरू त्रिपुरेश्वरमा रहेकाे राखेपको कभर्ड हलमा हुनेछ । आयोजकले प्रतियोगिता सञ्चालन गर्न करिब एक करोड १० लाख रुपैयाँ खर्च हुने अनुमान गरेको छ । प्रतियोगिताअघि मंसिर १२ गतेदेखि एकेएफ रेफ्री सेमिनार सातदोबाटोमा रहेकाे कराँते एकेडेमी हलमा हुनेछ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

टी-२० विश्वकप: आजराती इङल्याण्ड र ओमान खेल्दै

कुन कुन देशले जितेका छन् अहिलेसम्म युरोकप ?

टी-२० विश्वकपमा आज दुई खेल हुदै

टी-२० विश्वकप : अष्ट्रेलियाको लगातार तेस्रो जित

नेपाल र यमनबीचको खेल बराबरीमा टुङ्गियो

टी-२० विश्वकप: क्यानडामाथि पाकिस्तानको ७ विकेटको जित

नेपाल र श्रीलंकाबीचको खेल बर्षाले रद्ध

विश्वकपमा अहिले नेपाल श्रीलंकासँग भिड्दै : वर्षाले खेल पछाडि धकेलियो

टी-२० विश्वकप: नेपालले श्रीलंकाविरुद्ध भोलि बिहान खेल्दै

विश्वकप छनौट अन्तर्गत नेपालले आज यमनसँग खेल्दै

सांसद, कर्मचारीको पिआर छानबिन गर्न अख्तियारको निर्देशन

टी-२० विश्वकपमा आज क्यानडा र पाकिस्तान भिड्दै