काठमाण्डौः प्रतिबन्धित लागुऔषधसहित सिराहाबाट एक युवक पक्राउ परेका छन् ।
सिराहा नगरपालिका– १५ माडरमा प्रतिबन्धित लागुऔषधसहित युवक पक्राउ परेका हुन् । पक्राउ पर्नेमा सिराहा नगरपालिका– १७ का २१ वर्षीय विक्कीकुमार कारक रहेको जिल्ला प्रहरी कार्यालय सिराहाले जनाएको छ ।
कारकले माडरमा सञ्चालन गर्दै आएको मोटरसाइकल वर्कसपमा राखिएको मोटरसाइकलको डिक्कीवाट प्रतिबन्धित लागुऔषध डाइलेक्स डिसी सय एमएलका ४४ बोतल, फेनारसेल सय एमएलका तीन बाेतल, सिपलिन सय एमएलका १३ बोतल बरामद भएको प्रहरीले जनाएको छ ।
लागुऔषधसहित कारकलाई आवश्यक कारबाहीका लागि जिल्ला प्रहरी कार्यालय सिराहामा राखिएको छ ।
