काठमाण्डौः नेपाली कांग्रेस बर्दियाका सांसद एवं सभापति सञ्जय कुमार गौतमले बुधबार एक प्रेश विज्ञप्ती जारी गरी भ्रम फैलाउने समाचारप्रति आपत्ति जनाएका छन् । पार्टीको दवाबमा परेका सांसद गौतमले आफ्नो पूर्ण सहमतिमा प्रतिनिधीसभा अन्तर्गतको कानुन, न्याय तथा मानब अधिकार समितिबाट विकाश तथा प्रविधी समितिमा स्थानान्तरण गरिएको बताएका छन् ।
एनसेलको कर विवादबारे सर्वोच्चको फैसला अध्ययन गर्ने प्रस्ताव गरेपछि उनलाई पार्टीले गृह जिल्ला बर्दिया पुगेकै दिन भदौ २२ गते प्रतिनिधिसभा अन्तर्गतको कानुन, न्याय तथा मानव अधिकार समितिबाट विकाश तथा प्रविधी समितिमा स्थानान्तरण गरेको थियो ।
आफूलाई जानकारी नै नगराई समितिबाट सरुवा गरिएको बताउदै आउने गौतमले एक साता नबित्दै बोली फेरी आफ्नो पूर्ण सहमतिमा स्थानान्तरण गरिएको बताएका हुन् । बुधबार सांसद गाैतमले जारी गरेको प्रेश विज्ञप्तीमा भनेका छन् । “मेरो पूर्ण सहमतिमा प्रतिनिधीसभा अन्तर्गतको कानुन, न्याय तथा मानब अधिकार समितिबाट विकाश तथा प्रविधी समितिमा स्थानान्तरण गरिएको हो । तर विभिन्न सञ्चारमाध्यमहरूमा एनसेल कर सम्बन्धी बिषयसँग जोडी पार्टी सभापति एवं संसदिय दलका नेतालाइ समेत बदनाम गराउने एवं आम नागरिकमा भ्रम फैलाउने उद्देश्यका साथ प्रकाशन भएका समाचारहरू प्रति गम्भिर आपत्ती प्रकट गर्छु भनेका छन् ।
यद्दपी पार्टीको बचाउ गर्न गौतमले बुधबार जारी गरेको प्रेश विज्ञप्तीः
