सदाबहार खबरको रफ्तार ....
बैसाख ४, २०८१ मंगलबार
April 16, 2024
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय

पशुपतिनाथमा मनाइने दुः दुः च्याँ च्याँ जात्रा सुरु

२०८० चैत्र २१, बुधबार
शेयर गर्नुहोस:
फन्ट परिवर्तन गर्नुहोस:

काठमाडौँ, चैत २१ गते । पशुपतिनाथमा मनाइने धार्मिक महत्वको दुः दुः च्याँ च्याँ जात्रा मङ्गलबारदेखि सुरु भएको छ । यस जात्रामा घोडेजात्राका दिन हुने पशुपतिनाथ र वत्सलेश्वरी देवीको जात्रा हेर्न आउनु भनी देवीदेवता र भक्तजनलाई निम्ता गर्ने प्रचलन छ ।

हरेक वर्ष चैत्र कृष्ण अष्टमीका दिन पशुपतिका भट्टले उपत्यकाका विभिन्न स्थानमा वत्सलेश्वरी पार्वतीको जात्राको निमन्त्रणा गर्ने गर्दछ । दुः दुः च्याँ च्याँ जात्रामा उपत्यकाका मुख्य देवदेवी एवं स्थानीयवासीलाई जात्रा हेर्न आउनु भनी निमन्त्रणा दिने भाषा वंशावलीमा राजा भूपलेन्द्र मल्लको पालादेखि परम्परा रहेको पशुपति विकास कोषले जनाएको छ ।

जात्रामा आमाको दूध खाने बालबालिकासमेत लिएर हेर्न आउनु भनी निमन्त्रणा गरिने भएकाले दुः दुः च्याँ च्याँ भन्ने गरिएको हो । आर्यघाट जाने बाटोस्थित वत्सलेश्वरी मन्दिर परिसरबाट सुरु हुने जात्रा पशुपति क्षेत्रका सबै टोलमा घुमाउने परम्परा रहेको कोष अमालकोट कचहरीका द्वारे पूर्ण डङ्गोलले जानकारी दिनुभयो । जात्राअघि बज्रेश्वरी, वत्सलेश्वरी, आकाश भैरव, पशुपति क्षेत्रका नौ शक्तिपीठलगायत स्थानमा देशोद्वार पूजा सम्पन्न गरिन्छ । पूजा सम्पन्न गरी बज्रेश्वरी जात्रा सुरु गरिन्छ । बज्रेश्वरी जात्रा समापन हुनेबित्तिकै वत्सलेश्वरीको जात्रा आरम्भ हुन्छ ।

पशुपतिनाथको सानो मूर्तिलाई खटमा राखेर सहर परिक्रमा गराएर यो जात्रा मनाइन्छ । पशुपतिको देवपत्तनबाट सुरु हुने यो जात्रामा पशुपतिनाथका पूजारीसहितको एक टोलीले विशेष प्रकारको बाजा बजाएर सहर परिक्रमा गर्ने चलन रहेको संस्कृति अभियन्ता तथा पुजारी राजन महर्जनले जानकारी दिनुभयो ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

बैसाख ४ गते मंगलवारको राशिफल हेर्नुहोस

राष्ट्रपति पौडेलद्वारा ऐतिहासिक खड्गकालिका मन्दिर उद्घाटन

उदाउँदो सूर्यलाई अर्घ दिँदै चैती छठ सम्पन्न

तपाईंको आजको दिन कस्तो छ ? हेर्नुस् राशिफल

सोमबार भगवान शिवको विशेष दिन

सुजन बाग श्रेष्ठले दोस्रो पटक छेडे जिब्रो

सिन्दुर खेलेर मनाइयो सुथसिया जात्रा

सुदूरपश्चिमको प्रसिद्ध धार्मिक शक्तिपीठ घटालमा आज विसु जाँत हुँदै

मिथिला क्षेत्रमा श्रद्धापूर्वक वासन्ती छठ मनाइँदै

आजको राशिफल : कस्तो छ तपाईंको भाग्य ?

लुम्बिनीः नयाँ वर्षमा भ्रमणको आकर्षक गन्तव्य

भक्तपुरमा बिस्केट जात्रा हेर्नेको घुइँचो