काठमाडौः सोलिडारिटी फर डा. गोबिन्द के. सी एलायन्सले माइतिघर मण्डलामा प्रदर्शन गरेको छ ।
बिहान एक घण्टा बबरमहल स्थित मण्डलामा भेला भएका उनीहरूले राज्यले निजी मेडिकल कलेजहरुले गैर कानुनी रुपमा असुलेको अरबौं रुपैयाँका तिनलाइ दण्डित गर्नुको सट्टा मेडिकल माफियाको इशारामा मेडिकल शिक्षाको शुल्क बढाउने प्रयास भइरहेको आरोप लगाउदै उनीहरूले सडकमा प्रदर्शन गरेका हुन् ।
डा. गोविन्द केसीको अगुवाइमा भएको बिरोध स्वरूप प्लेकार्ड प्रदर्शनमा हात-हातमा प्ले कार्ड सहित उनीहरूले “प्रधानमन्त्री ज्यू स्वास्थ्य उपचारको महत्व तपाँइले जति कस्ले बुझ्ला, तर विद्यार्थीहरू लुट्ले मेडिकल माफियाहरू प्रति तपाँइ सधै मौन ?” भन्दै प्रदर्शन गरेका हुन् ।
उक्त प्रदर्शनमा एलायन्सका अध्यक्ष पृतम सुबेदी, विवेकसिल नेपाली दलका केन्द्रीय सदस्य शशी बिक्रम कार्की लगायत डेढ दर्जनको उपस्थिति रहेको थियो ।
