शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौः सत्तारुढ नेपाल कम्युनिस्ट पार्टी (नेकपा)को सचिवालय बैठकले महानगरपालिकाका अध्यक्ष र सचिवमा नेतृत्व चयन गरेको छ । प्रधानमन्त्री निवास बालुवाटारमा शनिबार २ घण्टा बसेको बैठकले देशभरका ६ महानगरको अध्यक्ष र सचिवको टुंगो लगाएको प्रवक्ता नारायणकाजी श्रेष्ठले बताएका हुन् ।
सचिवालयको निर्णयअनुसार काठमाडौं महागरपालिकाको अध्यक्षमा निर्मल देउला र सचिवमा रविन्द्र श्रेष्ठ चयन भएका छन् । त्यसैगरी ललितपुरको अध्यक्षमा मञ्जरी कायश्थ र सचिवमा ज्ञानेन्द्र शाक्य, पोखराको अध्यक्षमा दिपक पौडेल र सचिवमा विश्वप्रकाश लामिछाने चयन भएका छन् ।
भरतपुर महानगरको अध्यक्षमा रामप्रसाद न्यौपाने, सचिवमा ईश्वर सापकोटा, वीरगञ्जको अध्यक्षमा रहबर अन्सारी र सचिवमा विश्वम्भर शर्मा तथा विराटनगर महानगरको अध्यक्षमा सागर थापा र सचिवमा हेम कार्की चयन भएका छन् ।
