काठमाण्डौं: चावहिलस्थित ओम अस्पतालमा उपचाररत धादिङ्गकी अनिता गुरुङ्गको मृत्युको बिषयलाई लिएर तनाबग्रस्त भएको छ । उपचारमा संलग्न चिकित्सकलाई कार्वाहीको माग गर्दै मृतकका आफन्तले बिरोध प्रदर्शन सहित तोडफोडमा उत्रिएपछि अस्पताल परिसर तनाग्रस्त भएको हो ।
धादिङ्ग जिल्ला गंगाजमुना गाँउपालिका स्थायी घर भएकी २९ वर्षिया अनिता गुरुङ्गलाई गत असोज ३ गते चावहिलमा रहेको ओम अस्पतालमा पत्थरी उपचारको लागी बेड भर्ना भएकी गुरुङ्गको असोज ४ गते उपचारको क्रममा मृत्यु भएको थियो ।
मृत्यु पश्चात निजका आफन्तहरुले क्षतिपुर्ति र दोषी चिकित्सकलाई कारबाहिको माग गर्दै आईतबार अपरान्ह सवा १ बजेदेखि नारावाजि र प्रदर्शन गरेका छन् ।
अस्पताल प्रशासन र पिडित पक्षविच बार्ताबाट समस्याको समाधान गर्ने बाराम्बारको निरर्थक भएको छ ।
मृतकका परिवारजनसँग सहमति हुन नसकेपछि पिडित पक्षले उपचारमा संलग्न डा. भोलाराज जोशी, सुरेश श्रेष्ठ, बावुराम चालिसे मुर्दाबाद, ओम अस्पताल खारेज गर, मृतकलाई न्याय दे, डा. जोशीलाई कारवाही गर भन्दै बिरोध प्रदर्शन र नाराबाजी गरिरहेका छन् ।
