काठमाण्डौः प्रतिबन्धित नेकपा विप्लव समुहका जिल्ला इन्चार्ज हतियार सहित पक्राउ परेका छन् । भोजपुर जिल्लाको भोजपुर न.पा. वडा नम्बर १० का बम बहादुर विष्ट (ज्वाला) लाई प्रहरीले हतियार, गृनेट र गोली सहित आईतबार बिहान भैसिपंखा स्थित गजुरमुखि भिर नजिकबाट पक्राउ गरेको हो ।
भोजपुरका जिल्ला सेक्रेटरीको जिम्मेवारीमा रहेका बिष्टको साथबाट प्रहरीले १ थान गृनेट, २ थान अटोमेटिक पेस्तोल र म्याग्जिन र उक्त पेस्तोलमा लाग्ने १० राउण्ड गोलि तथा विभिन्न दस्ताबेजहरू, ५ हजार ९ सय ७० रूपैया नगद, ४ थान डायरी, २ थान मोबाइल तथा १२ वटा सिमकार्ड सहित पक्राउ गरी जिल्ला प्रहरी कार्यालय भोजपुरमा अनुसन्धानको लागी राखेको प्रहरीले जनाएको छ ।
गत असार २५ गते प्रहरी र विप्लवका कार्यकर्ताबीच सदरमुकाम हटिया लाइनमा भिडन्त भएको थियो । त्यस यता प्रहरीले उक्त समुहको खोजी तिब्र पारेको छ ।
