सदाबहार खबरको रफ्तार ....
असार ९, २०८१ आइतबार
June 23, 2024
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय

कवि रिमालको ‘चमेरो : कोरोना कविता’ सार्वजनिक

२०८१ जेठ १९, शनिबार
शेयर गर्नुहोस:
फन्ट परिवर्तन गर्नुहोस:

काठमाडौँ, १९ जेठ : कवि श्याम रिमालको कविता सङ्ग्रह “चमेरो : कोरोना कविता” सार्वजनिक भएको छ । राष्ट्रिय समाचार समिति (रासस) का नायब महाप्रबन्धकसमेत रहनुभएका रिमालको कृति शुक्रबार यहाँ साहित्यकार र साहित्यप्रेमीहरुले सामूहिक रुपमा सार्वजनिक गर्नुभएको हो ।

तीन वर्षअघि कोरोना महामारीको समयलाई समेटेर उहाँले दस्तावेजको रुपमा कविता सङ्ग्रह प्रकाशन गरेको बताउनुभयो । सङ्ग्रहमा २९ वटा कविता सङ्गृहीत छन् । यस अघि रिमालका एउटा काँढा बिझ्दा (गीत सङ्ग्रह), त्रिशूलीको किनाराबाट, बारपाक र नदी बग्दैन (तीनवटा कविता सङ्ग्रह) कृति प्रकाशित छन् ।

क्रान्तिकारी राजनीतिज्ञ तथा साहित्यकार गोपालप्रसाद रिमालको १०७औँ जन्मजयन्ती तथा कविता गोष्ठीको अवसरमा उहाँको कविता सङ्ग्रह सार्वजनिक गरिएको हो । कवि दीपेन्द्र अधिकारीले रिमालको कविता सङ्ग्रहमाथि समीक्षा गर्नुभएको थियो । रिमालका कविता कुनै छन्द, विम्ब र प्रतीकमा नबाँधिएर सामान्य जनजीवनमा आउने भावनाको सरल सिर्जना हुने भएको उहाँले बताउनुभयो । पढ्दा र बुझ्दा रमाइला कविता भएपनि आगामी कृतिहरु केही काव्यात्मक संरचनामा बाँधिनुपर्ने सुझाव उहाँले दिनुभयो ।

रिमाल समाजका महासचिव रवि रिमालले नेपाली भाषा साहित्य पछिल्लो समय सङ्कटमा पर्न थालेको बताउँदै यस्ता कृतिले साहित्य जोगाउन महत्वपूर्ण भूमिका खेल्ने बताउनुभयो । श्रृङ्खला साप्ताहिक मासिक पत्रिकाले कार्यक्रम आयोजना गरेको थियो । कार्यक्रमको दोस्रो चरणको कार्यक्रममा विभिन्न कविले रचना वाचन गर्नुभएको थियो । कवि दिव्य गिरी, धर्ती चन्द्र यात्री, इलामे जेठो, कृष्ण बाउसे, तिर्थ भट्टराई, राममणि सिटौला, अमर आकाश, प्रमोद स्नेही, गोपालकुमार मैनाली, लालबहादुर भुजेल, कृष्णमोहन जोशी, टेकेन्द्र थापालगायतले कविता वाचन गर्नुभएको थियो ।

श्रृङ्खला साप्ताहिक मासिक पत्रिकाका प्रकाशक एवं संस्थापक सम्पादक प्रवीण जोशी, पत्रिकाका सहयोगी सम्पादक शिव श्रेष्ठ र काठमाडौँ उपत्यका सार्वजनिक पुस्तकालयका व्यवस्थापक लिलाप्रसाद भट्टराईले रिमालको कृतिको प्रशंसा गर्नुभएको थियो ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

‘फर्केर हेर्दा’ पुस्तक सार्वजनिक

घनश्याम कँडेलको साहित्यसाधना सार्वजनिक

‘भीमप्रसाद गौतम व्यक्ति एक दृष्टि अनेक’ कृति लोकार्पण

अमेरिकामा ‘नेपाल–अमेरिका अन्तर्राष्ट्रिय चलचित्र महोत्सव’

कांग्रेस प्रमुख सचेतक विष्टको ‘व्याधि र विजय’ पुस्तक सार्वजनिक

सरस्वती प्रतीक्षाको उपन्यास ‘स्व’ सार्वजनिक

चीनबारे लेखिएको पुस्तक सार्वजनिक

रासस तस्बिर प्रदर्शनी जेठ मसान्तसम्म जारी रहने

लुक्लामा पासाङल्हामु स्मृति ‘ग्यालरी’ स्थापना

‘राष्ट्रनिर्माणमा दलित’ सार्वजनिक

रासस तस्बिर प्रदर्शनी अर्को सातासम्म जारी रहने

राससकर्मी सिबी अधिकारीसहित तीन पत्रकार सम्मानित