सदाबहार खबरको रफ्तार ....
असार ९, २०८१ आइतबार
June 23, 2024
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय

ठूलो मात्रामा लागुऔषधसहित बाराका दुई युवक भारतमा पक्राउ

२०८१ जेठ २८, सोमबार
शेयर गर्नुहोस:
फन्ट परिवर्तन गर्नुहोस:

काठमाण्डौः बाराका दुईजना युवक लाई ठूलो परिमाणमा लागूऔषध सहित भारतीय सीमा सुरक्षा बल एसएसबीले पक्राउ गरेको छ।

भारत बिहार मोतीहारी जिल्ला एसएसबी क्याम्प जमुनियाका गस्ती टोलीले पिठवा गाउँ छेउ ३५७ नम्बर पिल्लर (सीमा स्तम्भ) नजिकै बाट लागूऔषध सहित एकजनालाई पक्राउ गरेको हो। पक्राउ पर्नेमा बारा सिम्रौनगढ नगरपालिका ८ ककोर्वाका महमद वसिर खानको छोरा २५ बर्षीय ईरफान खान रहेको एसएसविले जनाएको छ।

भारत घोडासहन बजारबाट भारु ४८ हजार रुपैयाको बिभिन्न किसिमका लागुऔषध इंजेक्शन, ट्याब्लेट र सिरप मोटरसाईकलमा राखेर ककोर्वा गाउँ तर्फ जानेक्रममा ईरफान लाई एसएसबीको टोलीले पक्राउ गरेको थियो। घोडासाहन बजार बाट लगेर सिम्रौनगढ नगरपालिका बाँसवरीया गाउँमा मिठु राय यादवको छोरा राजु यादव र उनको भाई कञ्चन यादवको घरमा स्टक गरेर बिस्तारै कलैया, नीजगढ, हेटौंडा देखि काठमाण्डौसम्म पुर्याउने गरेको इरफानले बताएको एसएसबीले जनाएको छ।

ईरफान लाई बरामद लागुऔषध र मोटरसाइकल सहित आवश्यक कारवाहीको लागि झरौखर थानामा बुझाईएको एसएसबी क्याम्प जमुनियाले जनाएको छ। यसैबीच ईरफानको बयानको आधारमा घोडासहनबाट आफ्नो घर बारा सिरौनगढ बाँसवरीया तर्फ जाँदै गरेको राजु यादव लाई झरौखर थानाको टोलीले नियन्त्रणमा लिएको मोतीहारी जिल्लाका एस्पी कान्तेश कुमार मिश्रले पुष्टी गरेका छन्।

लागुऔषध कारोवारी दुवैजना आरोपी जिल्ला प्रहरी कार्यालय मोतीहारी को नियन्त्रणमा रहेको तथा थप अनुसन्धान भइरहेको एस्पी मिश्रले जानकारी दिएका छन्।

मोतीहारी जिल्लाको प्रहरी प्रमुखको रूपमा आईपिएस अफिसर एस्पी कान्तेश मिश्रले कमाण्ड सम्हाले देखि आपराधिक क्रियाकलापमा कमी आएको स्थानीयले बताएका छन।

एसपी मिश्रको नेतृत्वमा गतसाता मितीहारी जिल्लामा लोकसभाको निर्वाचन शान्तिपूर्ण तरिकाले सम्पन्न भएको थियो ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

अवैध लागूऔषधसहित तीन जना पक्राउ

जबरजस्ती करणी गरेको अभियोगमा पक्राउ

भारतीय नम्बरको स्कार्पियो दुर्घटना, दुई जनाको मृत्यु

हात्तीको २ दारासहित ठोरीबाट ३ जना पक्राउ

जङ्गली च्याउ खाँदा मृत्यु

प्रहरीद्वारा एक करोडको सामान बरामद

हिन्दुजा परिवारका चार सदस्यमाथि नोकर शोषण गरेको आरोपमा जेल सजाय

भरूवा बन्दुकसहित दुई जना पक्राउ

भरूवा बन्दुकसहित दुई जना पक्राउ

चोरीमा संलग्न रहेको अभियोगमा चार जना पक्राउ

वैदेशिक रोजगारमा पोर्चुगल पठाइदिन्छु भनी ठगी गर्ने व्यक्ति पक्राउ

२ करोड ७१ लाख रुपैयाँबराबरको भेपसहित पाँच जना पक्राउ