काठमाण्डौः नेपाल मजदुर किसान पार्टीको सातौं अधिवेशनले नारायणमान बिजुक्छे (रोहित) लाइ पुनः अध्यक्षमा निर्वाचित गरेको छ । भक्तपुरको लिवाली स्थित ख्वप इन्जिनियर कलेजमा असोज ३ गतेदेखी सुरु भएको अधिबेशनमा सोमबार राती सम्पन्न बन्दसत्रले अध्यक्षमा बिजुक्छे सहित २५ जना केन्द्रीय समिति सर्वसम्मत चयन गरेको हो ।
नेपालको कम्युनिष्ट इतिहासमा पार्टी स्थापनाकाल देखिकै अध्यक्षका रूपमा बिजुक्छे सर्वसम्मत रूपमा चयन हुँदै आएका छन् ।
नयाँ निर्वाचित कार्यसमिति सदस्यहरूमा प्रेम सुवाल, सुनिल प्रजापति, मोहनप्रसाद प्रजापति, डिल्लीप्रसाद काफ्ले, नवराज कोइराला, जग्यबहादुर शाही रहेका छन् । यसैगरी सनकमान महर्जन, नन्दबहादुर शाही, बजिरसिं विश्वकर्मा, नर्मा गुरुङ, नारायण महर्जन, सरोजराज गोसाँई, उकेश कवाङ, खगेन्द्र बहादुर शाही, पनि केन्द्रिय सदस्यमा चयन भएका छन् ।
यस्तै कृष्णकुमार वैद्य, अनुराधा थापामगर, कमलमैया सुवाल, हरिसुन्दर बासी, राजवीर डंगोल, सुरेन्द्रराज गोसाँई, सृजना सायजू, सरोजकुमार साह पनि सदस्यमा निर्वाचित भएका छन् । कृष्णबहादुर तामाङ र मुक्ति यादव वैकल्पिक केन्द्रिय सदस्यमा निर्वाचित भएका छन् ।
