काठमाडौं: नेपाल वैदेशिक रोजगार व्यवसायी संघको नयाँ नेतृत्वका लागि भएको निर्वाचनमा लोकतान्त्रिक समूहको बिजयी भएको छ ।
नेपाल वैदेशिक रोजगार व्यवसायी संघको मंगलबार सम्पन्न भएको २७ औं साधारणसभाका क्रममा नयाँ नेतृत्वका लागि भएको निर्वाचनमा लोकतान्त्रिक समुहका बिष्णुप्रसाद गैरेको प्यानल विजयी भएको हो ।
अध्यक्षमा गैरेले ३३० मत ल्याएर विजय भएका छन् भने उनका निकटतम प्रतिस्पर्धी प्रगतिशील समूहका सरोजकुमार पोखरेलले २८२ मत ल्याएका थिए । यसैगरी संघको प्रथम उपाध्यक्षमा कमल तामाङ, द्धितीय उपाध्यक्षमा कमल देब मल्ल, तृतीय उपाध्यक्षमा किशोरकुमार के.सी विजयी भएका छन् । यसैगरी महासचिवमा सुजित श्रेष्ठ, सचिवमा निलकमल मेघनाथ भुर्तेल र कोषाध्यक्षमा इन्दिरा गुरुङ विजयी भएकी छन् ।
कोषाध्यक्ष इन्दिरा गुरुङ सबैभन्दा बढी १६८ मतान्तरले विजयी भएकी हुन् । यसैगरी संघको सदस्य पदमा कर्णराज कटुवाल, दिनेश कुमार राय (राहुल), सुरेन्द्र अर्याल, हर्कबाहादुर लिम्बु, बिजय लामा, वावुलाल मगर नरेन्द्र, केशवराज न्यौपाने, छविलाल भटराई, लक्ष्मण पौडेल विजयी भएका छन् ।
लोकतान्त्रिक समूहले रोजगार व्यवसायी संघको इतिहासमै पहिलो पटक पुरै प्यानल जित हाँसिल गरेको हो । संघको नेतृत्वका लागि मंगलबार सम्पन्न चुनावमा ६५८ मतदाता रहेका थिएभने ६२१ जनाले मात्र मतदानमा सहभागी भएका थिए ।
