काठमाण्डौः चार अग्रणी महिलाहरू पर्यटन उद्यमी अम्बिका श्रेष्ठ, न्यायकर्मी सपना प्रधान मल्ल, प्रथम नेपाली महिला सगरमाथा आरोही पासाङ ल्हामु शेर्पा र बौद्ध भिक्षुणी गायिका आनी छोइङ ड्रोल्माको जीवन भोगाइहरू समेटेर नेपालयले ‘अन स्टोपेवल’ शिर्षकमा नयाँ पूस्तक बजारमा ल्याएको छ ।
लुज माथेमाका शब्दहरूमा तयार यो पुस्तकलाई काठमाडौंमा एक समारोहबीच सार्वजनिक गरिएको छ । पुस्तकका पात्रहरुले नै यसलाई सार्वजनिक गरेका हुन् । हालै दिवँगत भएकी उधमी अम्बिका प्रधानको ४५ औं दिनको पुण्यतिथिमा यी पुस्तक बिमोचन गरिएको लेखक लुज माथेमाले बताए ।
यो पुस्तकमा यी चार महिलाहरुको सँघर्षको कथा समेटिएको छ । पुस्तका उनीहरुको जीवनी सचित्र बालकथाका रूपमा प्रकाशित छ ।
पुस्तमा उनीहरुको वाल्यकाललाई विशेष महत्व दिईएको छ । एउटै पुस्तकमा अँग्रेजी र नेपाली दुबै भाषामा उनीहरुको ’boutमा प्रकाशन गरिएको छ । जसका कारण दुबै भाषाका पाठकलाई यो पुस्तक उपयोगी हुने नेपालयले जनाएको छ ।
‘नेपाली महिलाहरूका संघर्ष र सफलताका कथाहरू कमै भनिएका पाइन्छन्,’ पब्लिकेशन नेपालयकी प्रमुख कार्यकारी सैजन मास्के भन्छिन्, ‘यसरी शृंखलाबद्ध रूपले बालकथाका रूपमा जीवनी प्रकाशन गर्दा भावी पुस्ताले समेत उनीहरूबाट प्रेरणा लिन सकून् भन्ने उद्देश्यका साथ हामीले यसको सुरुवात गरेका हौँ ।’
