काठमाडौः धनुषा प्रहरीले एकाबिहानै लुटेरा समुहलाई गोली प्रहार गरी नियन्त्रणमा लिएको छ । बिहान साँढे तीन बजे लुट्ने योजना बनाएर भारतको सिमानबाट नेपाल छिरेका चार जनालाई प्रहरीले जनकपुरबाट नियन्त्रणमा लिएको हो ।
प्रहरीले उनीहरूलाई नियन्त्रणमा लिनको लागि गोलि समेत प्रहार गरेको थियो । प्रहरीको गोली लागि भाग्ने क्रममा भारतिय नागरिक बिनोद सिंह घाइते भएका छन् भने तीन जना प्रहरीको नियन्त्रणमा रहेका छन् ।
घाइते सिंहको जनकपुर स्थित जिल्ला अस्पतालमा उपचार भइरहेको छ । जनकपुर उपमहानगरपालिका वडा नम्बर २ स्थित उद्योग बाणिज्य संघ अगाडि रहेको फर्निचर पसलको सटरको तल्चा काटी भित्र प्रवेश गर नगद पैसा चोरी गरी भाग्ने क्रममा बाँकी तीन जनालाई प्रहरीले सकुसल नियन्त्रणमा लिएको हो ।
पक्राउ पर्नेहरूमा मदम्द इलयास, ओजिर अन्सारी, गगन पटेल रहेको प्रहरीले जनाएको छ । प्रहरीले उनीहरूको साथबाट एक नाल कटुवा पेस्तोल, एउटा गोलि समेत बरामद गरेको जनाएको छ ।
