काठमाडौः करोडौं रकम आर्थिक अनियमिताको उजुरीका आधारमा अख्तियार दुरुपयोग अनुसन्धान आयोगले प्रहरी प्रधान कार्यालयमा छापा मारी तीन प्रकरणका २ वर्षदेखिका फाइल नियन्त्रणमा लिएर अनुसन्धानलाई तीब्रता दिएसँगै प्रहरी महानिरीक्षक (आइजीपी) सर्वेन्द्र खनाल तनाबमा परेका छन् ।
भ्रस्टाचारमा मुछिएको प्रमाण जुटाउदै कार्वाहीको लागी अख्तियारले सरकारलाइ ग्रिन सिग्नल दिएपश्चात सरकारले कार्वाहीको तयारी गरेको हो । उनलाई बर्खास्त गर्न गृहकार्य अनुरूप प्रधानमन्त्री र गृहमन्त्री बादल बिच छलफल समेत भएको बालुवाटार श्रोतको दावी छ ।
अतिबिशिष्ट तथा बिशिष्ट ब्यक्तिको सुरक्षाका लागि ३० वटा एस्कर्टिङ मोटरसाइकल खरिद गर्दा स्पेसिफिकेसन परिवर्तन गरी अनियमितता गरिएको, प्रहरीको बुट, सर्ट/पाइन्ट, पिकअप भ्यान, मेसिनरी औजार खरिदमा भ्रस्टाचार गरेको तथा गुणस्तर परीक्षण फेल भएर फिर्ता भइसकेका बुट आर्थिक अनियमितता गरी स्वीकार गरेको आरोपमा अख्तियारले प्रहरी प्रमुखमाथी छानबिन गरिहेको बताइएको छ ।
उपरथी शर्मालाइ प्रधानसेनापती बन्ने बाटो खुल्यो
मन्त्रिपरिषद्को बैठकले नेपाली सेनाका उपरथी प्रभुराम शर्माको पदावधी थप गर्ने निर्णय गरेको छ । असोज ६ गते बसेको मन्त्रिपरिषद्को नियमित बैठकले गरेका निर्णयहरू सार्वजनिक गर्न सिंहदरबारमा आयोजित पत्रकार सम्मेलनमा सञ्चारमन्त्री गोकुल बाँस्कोटाले शर्माको पदावधी १ वर्ष २ महिना १५ दिनका लागी थप भएको जानकारी दिएका हुन् ।
सेनामा व्यवसायिक सैनिक अधिकृतको छवि बनाएका शर्माले नेशनल डिफेन्स कोर्स (एनडिसी) भारतबाट गरेका छन् । सेनाको मध्य पृतनापति हुँदै युद्धकार्य महानिर्देशकको जिम्मेबारीमा रहेका उपरथी शर्माको तिन वर्षे नियमित पदावधी यही कार्तिकमा सकिदैछ । शर्माको उपरथीमा पदावधी थप भएसँगै सेनाको भावी प्रधानसेनापति बन्ने बाटो समेत खुला भएको छ ।
