काठमाण्डौः सत्तारूढ समाजबादी पार्टीका सह-अध्यक्ष राजेन्द्र प्रसाद श्रेष्ठले दलितको नाम फेरेर शिल्पी पहिचान गर्नुपर्ने बताएका छन् । शिल्पी समुदायको पहिचान र संस्कृति बिषयक बिचार गोष्ठी कार्यक्रममा बोल्दै नेता श्रेष्ठले उक्त अभिब्यक्ति दिएका हुन् ।
समाजवादी पार्टी शिल्पी बिशेष प्रदेश समितिले रामशाहपथ स्थित नेपाल बार एसोसियशनको सभाहलमा शुक्रबार आयोजनामा गरेको कार्यक्रममा बोल्दै नेता श्रेष्ठले नेपालमा सिल्पि समुदाय उत्पिडनमा परेकोले छुवाछुत जातिय भेदभावहरुलाई बिज्ञानको बिरुद्ध हल गर्नु आवश्यक रहेको बताएका हुन् ।
साथै उनले बर्गिय र जातिय उत्पिडनबाट बदलियर सिल्पि समुदायको पहिचान झल्काउनु आवश्यक भएको बताएका छन् । दलित समुदायबाट बाहिर रहेका समुदायलाई अपमान भएकोले दलित बदलेर शिल्पी पहिचान गर्नु आवश्यक रहेको उनले बताएका थिए ।
दलितलाई राज्यले परिबर्तन गर्न आवश्यक रहेको भन्दै नेता श्रेष्ठले सिल्पि समुदाय तराई मधेशमा पिछडिएको अबस्थामा रहेकोले सिल्पि बिशेष प्रदेश स्थापना गराउनु आवश्यक रहेको बताएका थिए ।
सिल्पि समुदायका अध्यक्ष दलमर्दन कामीको अध्यक्षतामा भएको कार्यक्रममा समाजबादि पार्टीका नेताहरू नबराज सुवेदी, रामशरण श्रेष्ठ, परिबर्तन भट्टराई लगायतको उपस्थिति रहेको थियो ।
