काठमाण्डाैंः प्रतिनिधी सभाका सभामुख कृष्ण बहादुर महराले संघिय संसद सचिवालयमा काम गर्ने एक महिला स्नेहा (नाम परिवर्तन) कर्मचारीलाई करणि गरेको बिषयमा स्पष्टीकरण दिएका छन् ।
सभामुख महराले आफुलाइ असोज १२ गते साँझ तिनकुनेस्थित डेरामा आएर जवर्जस्ती करणी गरेको महिलाको आरोपको खण्डन गर्दै प्रेस सल्लाहकार डिल्ली मल्ल मार्फत विज्ञप्ती जारी गरी आफ्नो संलग्नता नभएको स्पष्टोक्ती दिएका हुन् ।
संसद सचिवालयको स्वास्थ्यमा कार्यरत ती महिला कर्मचारीले तीनकुनेस्थित डेरामा आएका सभामुखले आफूलाई बलात्कार गरेको आरोप लगाएको समाचार विभिन्न अनलाइनमा भाइरल भएको थियो ।
समाभुख महरा पहिला नै मदिराले लठ्ठ भएर तिनकुने स्थित महिलाको कोठामा गएको र महिलालाइ कुटपिट गर्दै जवर्जस्ती गरेको आरोप ती महिलाले लगाएकी छन् । सभामुख महराले भने समायोजनमा बाहिर सरुवा भएका कारण आफुमाथी आरोप लगाइएको जारी गरेको प्रेश विज्ञप्तीमा दाबी गरेका छन् ।
उक्त विज्ञप्तीमाः संघीय संसद सचिवालयमा स्वास्थ्य शाखाको कुनै दरबन्दी नभएको र संसद सचिवालयमा कार्यरत स्वास्थ्यकर्मीहरु र ती महिला कर्मचारीले समेत समायोजनको प्रसंग चल्दै गर्दा संसद सचिवालयमै स्वास्थ्यको दरबन्दी हुनुपर्छ भनी माग गरिरहेको अवस्था थियो।
तर कर्मचारी समायोजनमा सामान्य प्रशासन र स्वास्थ्य मन्त्रालयले नै सबै प्रक्रिया मिलाउने हुँदा मैले त्यसमा काम नगरेको भनी स्वास्थ्य शाखाका कर्मचारीहरु र ती महिला पनि असन्तुष्ट थिए’, ‘सोही असन्तुष्टिलाई लिएर सभामुखज्यूको बारेमा पूरै गलत, कपोलकल्पित र अनर्गल समाचार प्रवाह भएकोमा सभामुखज्यू समेत निकै दुखित र आश्चर्यचकित हुनुभएको छ।’ बताइएको छ ।
