काठमाण्डौं : सभामुख कृष्ण बहादुर महरा र नेकपा अध्यक्ष प्रचण्ड बीच भेटबार्ता भएको छ ।
सभामुख निवास बालुवाटारमा मंगलबार बिहान भएको भेटवार्तामा आईतबार भएको सेक्स स्क्याण्डलको आरोपबारे छलफल भएको बताईएको छ ।
आफ्नै सचिवालयमा कार्यरत महिला कर्मचारीमाथि दुर्व्यवहारको आरोपमा भौतारिएका सभामुख महराले बिहानै देखि नेकपाका शीर्ष नेताहरुलाई भेटिरहेका छन ।
नेकपाकै कतिपय नेताले महराका लागि अब राजीनामा दिनु वा महाअभियोगको सामना विकल्पमा रहेको जानकारी दिदै छिटै राजीनामा गर्न उच्च नेतृत्वले संकेत दिएको नेताहरुले बताएका छन् ।
महराले प्रधानमन्त्री तथा अध्यक्ष केपी शर्मा ओलीसँगग पनि विहानै भेट गरिसकेका छन् ।
प्रधानमन्त्री निवास बालुवाटारमा नेकपाका नेताहरू सभामुख महरामाथि लागेको आरोपबारे अध्यक्षद्वय र महासचिव बिच छलफल भएको थियो ।
सभामुख महराले शीर्ष नेताहरुलाई २ पटकसम्म भेटिरहदा अब राजीनामा दिनु वा महाअभियोगको सामना गर्नुको विकल्प नरहेको प्रष्ट हुने देखिन्छ ।
अहिले मध्यान्ह १२ बजे देखि सोही विषयमा छलफल गर्न सचीवालय बैठक बसेको छ ।
